ئونسۇدا چىۋەر ئاياللارنىڭ ماھارەت كۆرسىتىش مۇسابىقىسى ئۆتكۈزۈلدى

2016.05.12 15:35   مەنبە: خەلق تورى

　　خەلق تورى ئۇيغۇرچە قانىلىنىڭ 12-ماي بېيجىڭدىن بەرگەن تېلېگراممىسى: (ئونسۇ ناھىيەلىك مەدەنىيەت يۇرتىدىن ئابدۇسالام ئۇلۇغ خەۋىرى، فوتوسى) ئونسۇ ناھىيەسىنىڭ مىللەتلەر ئىتتىپاقلىقى-تەرەققىياتى بۇيىچە چىۋەر ئاياللارنىڭ ماھارەت كۆرسىتىش مۇسابىقىسى 5-ئاينىڭ 11-كۈنى ناھىيەلىك قۇم دىيارى مەيدانىدا داغدۇغلۇق ئۆتكۈزۈلدى.

　　بۇ قېتىمقى مۇسابىقىگە ئونسۇ ناھىيەسىنىڭ ھەر قايسى يېزا-بازار، مەھەللە كومىتېتلىرىدىكى چىۋەر ئاياللارنىڭ قولىدا روياپقا چىققان نەپىس مىللىي قول ھۈنەرۋەنچىلىك ئاساس قىلىنغان ئالتە چوڭ تۈردىكى 388 ئەسەر مۇسابىقىگە قاتناشتۇرۇلۇپ،ھەر مىللەت ئاممىسىنىڭ قىزغىن ئالقىشىغا ئېرىشتى.

　　مۇسابىقە ئاخىرىدا جام بازىرى بىرىنچى دەرىجىلىك، قىزىل بازىرى، ئونسۇ بازىرى ئىككىنچى دەرىجىلىك، تۇخۇلا يېزىسى، توپقان مەھەللە كومىتېتى، بوزدۆڭ قىرغىز مىللىي يېزىسى قاتارلىق ئورۇنلارنىڭ نەپىس قول ھۈنەرۋەنچىلىك مەھسۇلاتلىرى ئۈچىنچى دەرىجىلىك مۇكاپاتلاندى.

　　سۈرەتتە: 11 -ماي ئۆتكۈزۈلگەن چىۋەر ئاياللارنىڭ ماھارەت كۆرسىتىش مۇسابىقىسىدىن كۆرۈنۈشلەر.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ