چاقىلىق ناھىيەسىدە «ئومۇمىي خەلق بەدەن چېنىقتۇرۇش، ئىناق چاقىلىق بەرپا قىلىش» باش تېمىسىدىكى تەنھەرىكەت مۇسابىقىسى ئۆتكۈزۈلدى

2016.05.12 15:15   مەنبە: خەلق تورى

　　خەلق تورى ئۇيغۇرچە قانىلىنىڭ 12-ماي بېيجىڭدىن بەرگەن تېلېگراممىسى: (چاقىلىق ناھىيەلىك رادىئو-تىلىۋىزىيە ئىستانسىسىدىن ئىختىيارىي مۇخبىرلىرىمىز تۇردى غوجائەھمەد، پاتىگۈل غوجىئابلا خەۋىرى، فوتوسى) چاقىلىق ناھىيەسىدە «ئومۇمىي خەلق بەدەن چېنىقتۇرۇش، ئىناق چاقىلىق بەرپا قىلىش» باش تىمىسىدىكى 6-نۆۋەتلىك ئومۇمىي خەلق تەنھەرىكەت مۇسابىقىسى 9-ماي ناھىيەلىك ئوتتۇرا مەكتەپ تەنتەربىيە مەيدانىدا باشلاندى.

　　ئىگىلىنىشىچە، بۇ تەنھەرىكەت پائالىيىتى 15-مايغىچە داۋاملىشىدىغان بولۇپ، ناھىيە تەۋەسىدىكى ھەر قايسى يېزا-بازار، ناھىيەگە بىۋاسىتە قاراشلىق ئورۇنلار، كارخانا، ھەربىي قىسىم تەنھەرىكەتچىلىرىدىن 25 كوماندا يېنىك ئاتلېتىكا، توپ، شاھمات، قىزىقارلىق تەنھەرىكەت تۈرلىرى قاتارلىق تۆت چوڭ تۈر ۋە 50 يەككە تۈر بويىچە مۇسابىقىلىشىدىكەن.

　　سۈرەتتە : 9-ماي ناھىيەلىك ئوتتۇرا مەكتەپ تەنتەربىيە مەيدانىدا ئۆتكۈزۈلگەن 6-نۆۋەتلىك ئومۇمىي خەلق ساغلاملىق تەنھەرىكەت مۇسابىقىسىنىڭ باشلىنىش مۇراسىمىدىن كۆرۈنۈشلەر.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ