كۇچا ناھىيەسىدە 2- قېتىملىق كىيىم – كېچەك لاھىيەلەش مۇسابىقىسى ئۆتكۈزۈلدى(1)

2015.06.09 10:36   مەنبە: خەلق تورى

　　خەلق تورى ئۇيغۇرچە قانىلىنىڭ8 -ئىيۇن بېيجىڭدىن بەرگەن تېلېگراممىسى:ئىختىيارىي مۇخبىرىمىز نىياز راھمان خەۋىرى، فوتوسى : كۇچا ناھىيەسىنىڭ 2- قېتىملىق « رەڭدار مىللەت زامانۋى ئاياللار » تېمىسىدىكى كىيىم – كېچەك لاھىيەلەش مۇسابىقىسى 6- ئىيۇن كۈسەن مەدەنىيەت – سەنئەت مەركىزى زالىدا ئۆتكۈزۈلدى .بۇ قېتىمقى « رەڭدار مىللەت زامانۋى ئاياللار » تېمىسىدىكى كىيىم – كېچەك لاھىيەلەش مۇسابىقىسىنى كۇچا ناھىيەلىك ئاياللار بىرلەشمىسى ، مەدەنىيەت – تەنتەربىيە ، رادىئو – تېلۋىزىيە ئىدارىسى باش بولۇپ تەشكىللىگەن بولۇپ، مۇسابىقىگە ناھىيە تەۋەسىدىكى يېزا ، بازار ، مەھەللە ئىش باشقارمىلىرىدىكى كىيىم – كېچەك لاھىيەلەش كارخانلىرىنىڭ 11 كوماندىدىكى 200 نەپەردىن ئارتۇق ماھىرلار قاتنىشىپ، ئەنئەنۋىي كىيىم – كېچەكلەر ، زامانۋىي كىيىم – كېچەكلەر ، راھەت كېىم- كېچەكلەر ۋە مۇراسىم كىيىم – كېچەكلىرى قاتارلىق تۆت تۈر بويىچە مۇسابىقىلىشىپ، ھەر مىللەت ئاچا-سىڭىللار ئۆزلىرىنىڭ گۈزەللىكى سۆيىدىغان ، ئۆزىنى ھۆرمەتلەيدىغان ، ئۆزىگە ئىشىنىدىغان ، ئۆز كۈچىگە تايىنىدىغان ، ئۆزىنى كۈچلەندۈرىدىغان يېڭى دەۋر قىياپىتىنى نامايان قىلدى .

　　مۇسەبىقە ئاخىرسىدا ، ئۈچ كوماندا ئۈچ دەرىجە بۇيىچە ئايرىم – ئايرىم ھالدا 5000 يۈەن ، 4000 مىڭ يۈەن 3000 يۈەن بىلەن ، سەككىز كوماندا ئايرىم – ئايرىم ھالدا 1000 يۈەن بىلەن تەشكىللەش مۇكاپاتىغا ئىرىشتى

　　سۈرەتتە: كۇچا ناھىيەسىنىڭ 2- قېتىملىق « رەڭدار مىللەت زامانۋىي ئاياللار » تېمىسىدىكى كىيىم – كېچەك لاھىيەلەش مۇسابىقىسىدىن كۈرۈنۈشلەر .

　　تەكشۈرۈپ بېكىتكۈچى: تۇرغۇن ئابلىز

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ