كېرىيەدە ئانىلار بايرىمى ئەھمىيەتلىك ئۆتتى (1)

2015.05.12 10:57   مەنبە: خەلق تورى

　　ئىختىيارىي مۇخبىرىمىز ئىلىجان ئىسمايىل خەۋىرى، فوتوسى: 10-ماي ھەممىمىزنڭ مېھرىبان، ئاقكۆڭۈل، جاپاكەش ئانىلىرىمىزنىڭ قۇتلۇق بايرىمى. كېرىيە ناھىيەلىك ‹‹بىلىپ›› خەير-ساخاۋەت يەتكۈزۈش كوللىكتىپىدىكى 10دىن ئارتۇق پىدائىي ناھىيەنىڭ شەنبە بازىرى سايباغ كەنتى، مۇغاللا بازىرى بوستان كەنتى ۋە كوناشەھەر رايۇنى قاتارلىق جايلارغا بېرىپ بالا –چاقىسى ياكى باققۇچىسى يوق 13نەپەر ياشىنىپ قالغان ياكى ئەما بوپ قالغان مويسىپىت ئانىلىرىمىزنىڭ بىر كۈنلۈك «پەرزەنتى»›بولۇپ ئۇلارنىڭ ئانىلار بايرىمىنى تەبرىكلىدى.بۇ جەرياندا ‹‹بىلىپ››خەيىر-ساخاۋەت يەتكۈزۈش كوللىكتىپىدىكى پىدائىيلار بۇ ئاق كۆڭۈل ئانىلىرىمىزنىڭ سالامەتلىك، تۇرمۇش ئەھۋالىنى ئىگىلىدى، مۇڭدىشىپ غېرىپ كۆڭلىگە خۇشاللىق ۋە ئۈمىد ئاتا قىلدى ھەمدە ئۇلار غا بايراملىق سوغا تەقدىم قىلىپ بىرگە غىزالىنىپ پەرزەنت مېھرىنى بەردى. (سۈرەتتە: شۇ كۈنلۇك پائالىيەت كۈرۈنۈشلىرى)