بىزنىڭ تۇرمۇشىمىز خۇددىي چىلاندەك تاتلىق (1)

2015.02.02 13:50   مەنبە: تەڭرىتاغ ئۇيغۇرچە تورى

　　1–فېۋرال، ‹‹يەكەن دەرياسىدىن سىزگە سالام›› پائالىيىتىنىڭ باشلىنىش مۇراسىمى ۋە شېئىر دېكلاماتسىيە پائالىيىتىدە، مەكىت ناھىيەسى، گۇما ناھىيەسى، چاقىلىق ناھىيەسى، ئاقسۇ ۋىلايىتى، قۇمۇل ۋىلايىتى قاتارلىق جايلاردىن كەلگەن چىلان يېتىشتۈرگۈچىلەر ئۆزلىرى يېتىشتۈرگەن تاتلىق چىلانلارنى ئېلىپ كەلدى، ئۇلار بۇ پائالىيەت ئارقىلىق پۈتۈن مەملىكەت خەلقىگە يېڭى باھاردا بەخت تىلەپ، ھەر مىللەت خەلق تۇرمۇشىنىڭ خۇددىي چىلاندەك تاتلىق بولۇشىنى ئۈمىد قىلدى.

　　تونۇشتۇرۇلۇشىچە، چاقىلىق ناھىيەسىنىڭ ھاۋارايى، تۇپرىقى چىلان ئۆستۈرۈشكە باب كېلىدىغان بولغاچقا 220 مىڭ مو يەرگە چىلان ئۆستۈرگەن، ئۇنىڭ ئۈستىگە چىلان ئۆستۈرۈشكە باشلىغاندىن تارتىپ ناھىيە بارلىق چىلانلارغا بىردەك مەھەللىۋى ئوغۇت ئىشلىتىشنى بەلگىلىگەن، شۇڭا چاقىلىق چىلىنىنىڭ پوستى نېپىز، گۆشلۈك، ئۇرۇقى كىچىك، شېكەر مىقدارى يۇقىرى ئىكەن، بۇ چىلانلار خېنەن، خېبېي، بېيجىڭ، گۇاڭجۇ قاتارلىق جايلارغىچە سېتىلغان. ئىگىلىنىشىچە، 2014 – يىلى ناھىيەدىكى دېھقان-چارۋىچىلارنىڭ كىشى بېشى ئوتتۇرىچە ساپ كىرىمى 26 مىڭ 500 يۈەنگە يەتكەن، دېھقان-چارۋىچىلارنىڭ يىللىق كىرىمى ئۇدا ئالتە يىل غەربىي دىياردىكى 12 ئۆلكە بويىچە ئالدىنقى ئورۇندا تۇرغان.