بېيجىڭ ئۇنىۋېرسىتېتى بىلەن چىڭخۇا ئۇنىۋېرسىتېتى شىنجاڭدىن 77 نەپەر ئوقۇغۇچى قوبۇل قىلىدۇ

2013.06.14 16:46 مەنبە: شىنجاڭ گېزىتى

پرىنتېرلاش

خەت چوڭ-كىچىكلىكى

　　يېقىندا ، بېيجىڭ ئۇنىۋېرسىتېتى بىلەن چىڭخۇا ئۇنىۋېرسىتېتىنىڭ بۇ يىل شىنجاڭدىن ئوقۇغۇچى قوبۇل قىلىش پىلانى بېكىتىلگەن . ئۇنىڭ ئىچىدە بېيجىڭ ئۇنىۋېرسىتېتى 47 نەپەر ، چىڭخۇا ئۇنىۋېرسىتېتى 30 نەپەر ئوقۇغۇچى قوبۇل قىلىشنى پىلانلىغان .

　　12-ئىيۇن ، بېيجىڭ ئۇنىۋېرسىتېتى شىنجاڭدىن ئوقۇغۇچى قوبۇل قىلىش گۇرۇپپىسىنىڭ باشلىقى خۇ جۈننىڭ ئېيتىشىچە، 2013-يىلى بېيجىڭ ئۇنىۋېرسىتېتى چوڭ تۈرلەر بويىچە ئوقۇغۇچى قوبۇل قىلىش سىياسىتىنى داۋاملىق يۈرگۈزۈپ ، شىنجاڭدىن 47 نەپەر ئوقۇغۇچى قوبۇل قىلىدىكەن ، ئۇنىڭ ئىچىدە جۇڭگو تىل-ئەدەبىياتى ۋە تارىخ پەنلىرى بويىچە 19 نەپەر ، سانائەت پەنلىرى بويىچە 18 نەپەر ، تېببىي پەنلەرگە 10 نەپەر ئوقۇغۇچى قوبۇل قىلىدىكەن . بۇلتۇرقىغا سېلىشتۇرغاندا ، بۇ يىل ئىككى نامرات رايون مەخسۇس تۈر پىلانى كۆپەيتىلگەن .

　　چىڭخۇا ئۇنىۋېرسىتېتى شىنجاڭدىن ئوقۇغۇچى قوبۇل قىلىش گورۇپپىسىنىڭ باشلىقى رۈەن دۇڭنىڭ ئاشكارىلىشىچە ، بۇ يىل چىڭخۇا ئۇنىۋېرسىتېتى شىنجاڭدىن 30 نەپەر ئوقۇغۇچى قوبۇل قىلىشنى پىلانلىغان ، بۇ بۇلتۇرقى پىلاندىكىدىن بىر ئوقۇغۇچى كۆپ بولغان . ئىجتىمائىي پەنلەر بويىچە بەش نەپەر ئوقۇغۇچى ، تەبىئىي پەنلەر بويىچە 25 نەپەر ئوقۇغۇچى قوبۇل قىلىدىكەن .

　　بۇ ئىككى مەكتەپ ئوقۇغۇچى قوبۇل قىلىش گۇرۇپپا باشلىقلىرىنىڭ ئېيتىشىچە ، شىنجاڭلىق ئوقۇغۇچىلارنىڭ ئاساسى ياخشى، غەيرەتلىك بولغاچقا ، ئەھۋالغا قاراپ قوبۇل قىلىش پىلانى ئاشۇرۇلۇشىمۇ مۇمكىنكەن .

مەسئۇل مۇھەررىر : ھەبىبە