شى جىنپىڭ رۇسىيەدىكى پېشقەدەم جەڭچىلەر ۋەكىللىرى بىلەن كۆرۈشتى
دۆلەت رەئىسى شى جىنپىڭ 8-ماي موسكۋادا جۇڭگونىڭ شەرقىي شىمالىدىكى ياپون باسقۇنچىلىرىغا قارشى ئۇرۇش مەيدانى ھەم ۋەتەن ئۇرۇشىدا قان كېچىپ كۈرەش قىلغان رۇسىيەنىڭ 18 پېشقەدەم جەڭچىسى بىلەن كۆرۈشتى. شى جىنپىڭ ئۇلار بىلەن بىرمۇ-بىر قول ئېلىشىپ كۆرۈشۈپ، سەمىمىي ھال سورىدى. شى جىنپىڭ جۇڭگونىڭ دۆلەت بايرىقى ئالدىدا تۇرۇپ، ئۇلارغا خاتىرە مېدالى تارقاتتى.
شى جىنپىڭ كۆپچىلىككە مۇنداق دېدى: جۇڭگو بىلەن رۇسىيەنىڭ جۇڭگو خەلقىنىڭ ياپون باسقۇنچىلىرىغا قارشى ئۇرۇشى ۋە دۇنيا فاشىزمغا قارشى ئۇرۇشنىڭ غەلىبىسىنى خاتىرىلەش پائالىيىتى ئۆتكۈزۈشى تارىخنى ئەستە چىڭ ساقلاپ، ئىنقىلابىي قۇربانلارنى ياد ئېتىپ، تىنچلىقنى قەدىرلەپ، گۈزەل كېلەچەك بەرپا قىلىشنى مەقسەت قىلىدۇ. نەق مەيداندىكى رۇسىيەنىڭ نۇرغۇن پېشقەدەم جەڭچىلىرى جۇڭگو خەلقىنىڭ ياپون باسقۇنچىلىرىغا قارشى ئۇرۇشىنىڭ ئاخىرقى غەلىبىسى ئۈچۈن مۇھىم تۆھپىلەرنى قوشقان. ئىككى دۆلەت خەلقى ئىسسىق قېنى ۋە ھاياتى بەدىلىگە چوڭقۇر دوستلۇق ئورنىتىپ، جۇڭگو-رۇسىيە مۇناسىۋىتى ۋە ئىككى دۆلەت خەلقىنىڭ ئەۋلادمۇ-ئەۋلاد دوستلۇقىغا پۇختا ئاساس سېلىپ بەردى. ئىككى دۆلەت ئەنئەنىۋى دوستلۇقىنى ئۆزلۈكسىز مۇستەھكەملەپ، بىرلىكتە گۈللىنىشكە قاراپ داۋاملىق مېڭىشى كېرەك.
غالىيىف رۇسىيەنىڭ پېشقەدەم جەڭچىلىرىگە ۋاكالىتەن سۆز قىلدى، ئۇ رەئىس شى جىنپىڭنىڭ تەبرىكلەش پائالىيىتىگە قاتنىشىش ئۈچۈن موسكۋاغا كەلگەنلىكىگە رەھمەت ئېيتتى. ئۇ مۇنداق دېدى: نۆۋەتتىكى ۋەزىيەتتە، رۇسىيە-جۇڭگو خەلقى تېخىمۇ زىچ ئىتتىپاقلىشىپ، تىنچلىق، ئىنسانىيەت مەدەنىيىتى، دۇنيانىڭ كەلگۈسىنى بىرلىكتە قوغدىشى كېرەك.
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
