«ئىسلام خەلىپىلىكى» كەڭ كۆلەمدە بالا ئەسكەرلەرنى قوبۇل قىلىۋاتىدۇ

2014.11.24 12:54   مەنبە: جۇڭگو ئۇيغۇرچە رادىيو تورى

　　ئەنگلىيە «كۈندىلىك پوچتا گېزىتى»نىڭ 22 –نويابىردىكى خەۋىرىگە قارىغاندا، رادىكال تەشكىلات »ئىسلام خەلىپىلىكى» يېقىندا ئەڭ يېڭى تەشۋىقات ۋىدىيوسىنى ئېلان قىلىپ، يەنە بىر قېتىم دۇنيانى ھەيران قالدۇرغان. بۇ ۋىدىيودا كۆرسىتىلىشىچە، «ئىسلام خەلىپىلىكى» قازاقىستاندىن كەلگەن زور بىر تۈركۈم «بالا ئەسكەرلەر» نى مەركەزلەشتۈرۈپ مەشىق قىلدۇرۇۋاتقان ئىكەن.

　　ئىگىلىنىشىچە، ئېنگلىزچە چۈشەندۈرۈلۈشى قىستۇرۇلغان بۇ يۇقىرى ئېنىقلىقتىكى ۋىدىيودا بىر تەشكىلات ئەزاسى بۇ «بالا ئەسكەرلەر»نىڭ ئاۋۋال ئەرەب تىلىنى ئۆگەنگەندىن كېيىن، ئاندىن قورال مەشىقىنى باشلىغانلىقىنى ئېيتقان. ۋىدىيودا «بالا ئەسكەرلەر» AK47 كۆتۈرۈۋالغان بولۇپ، ئۇلار ئوققا تۇتۇش مەشىقىنى ناھايىتى پىششىق ئىگىلىگەن ئىكەن.