كۇچا ناھىيەلىك پىلانلىق تۇغۇت كومىتېتى، خەلق ئىشلار ئىدارىسى ئۇيۇشتۇرغان «گۈزەل ھايات، بەختلىك ئائىلە» تېمىسىدىكى 10-قېتىملىق كوللېكتىپ توي مۇراسىمى 22-ماي ئىشخىلا بازىرىدىكى مارجانبۇلاق ئارامگاھىدا ئۆتكۈزۈلۈپ، ھەر مىللەتتىن بولغان 20 جۈپ قىز-يىگىتنىڭ كوللېكتىپ توي مۇراسىمى قۇتلۇقلاندى. توي مۇراسىمىغا ۋىلايەت، ناھىيەنىڭ ئاساسلىق رەھبەرلىرى، تويى بولغان قىز-يىگىتلەرنىڭ ئۇرۇق-تۇغقانلىرى ۋە ھەر مىللەت ئامما قاتناشتى. كۇچا ناھىيەلىك پىلانلىق تۇغۇت كومىتېتى، خەلق ئىشلار ئىدارىسى ھەر بىر جۈپكە 10 مىڭ يۈەن قىممىتىدىكى ئائىلە ئېلېكتىر ئۈسكۈنىلىرى، گىلەم قاتارلىق بۇيۇملارنى سوۋغا قىلدى.