ئىشخىلا بازىردىكى كەشتىچى ئاياللار ئاپتۇنۇم رايۇنىمىز قۇرۇلغانلىقىنىڭ 60 يىللىقىغا كاتتا سوۋغا تەييارلىدى

2015.05.26 10:51   مەنبە: خەلق تورى

　　خەلق تورى ئۇيغۇرچە قانىلىنىڭ 25-ماي بېيجىڭدىن بەرگەن تېلېگراممىسى:تەكلىپلىك مۇخبىرىمىز نىياز راھمان خەۋىرى، فوتوسى : كۇچا ناھىيەسىنىڭ ئىشخىلا بازىردىكى 250 نەپەردىن ئارتۇق كەشتىچى ئاياللار 15 كۈن ۋاقىت سەرىپ قىلىپ، كۆلىمى 1200 كۇۋادىرات مېتىردىن ئاشىدىغان ئاق رەڭلىك لاتىغا جۇڭخۇا خەلق جۇمھۇريىتىنىڭ يەر شەكلى خەرىتىسىنى كەشتىلەپ، ئاپتۇنۇم رايۇنىمىز قۇرۇلغانلىقىنىڭ 60 يىللىقىغا كاتتا سوۋغا تەييارلىدى. ئىگىلىنىشچە ،جۇڭخۇا خەلق جۇمھۇريىتىنىڭ يەر شەكلى خەرىتىسىنى كەشتىلەشكە 18 خىل رەڭ ۋە 10 تۈرلۈك يىپ ئىشلىتىلگەن بولۇپ، خەرىتە ئەسلى ئارگىنالغا ئاساسەن ماسشىتاپ بويىچە چوڭايتىلىپ كەشتىلەنگەن ۋە رەڭلەرمۇ تەلەپ بويىچە بىرىلگەن ، بۇ خەرىتە 23- ماي ئاساسىي جەھەتتىن پۈتكەن بولۇپ، ئۆكتەبىردە ناھىيە بويىچە ئۆتكۈزۈلىدىغان ئاپتونوم رايونىمىز قۇرۇلغانلىقىنىڭ 60 يىللىقىنى تەبرىكلەش پائالىيىتىدە كۆرگەزمە قىلىنىدىكەن.

　　سۈرەتتە: 23- ماي كەشتىچى ئاياللار خەرىتىنىڭ ئاخىرقى قىسمىنى كەشتىلىمەكتە.

　　تەكشۈرۈپ بېكىتكۈچى: تۇرغۇن ئابلىز

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ