2-نۆۋەتلىك «تەڭرىتاغ ئاۋازى» ئىستۇدېنتلار دىكتور-رىياسەتچىلىك مۇسابىقىسىنىڭ دەسلەپكى تاللاش مۇسابىقىسى ئۆتكۈزۈلدى
شىنجاڭ ئۇيغۇر ئاپتونوم رايونى قۇرۇلغانلىقىنىڭ 60 يىللىقىنى تەبرىكلەش ۋە كەڭ ئىستۇدېنتلارغا دىكتور-رىياسەتچىلىك جەھەتتە ئۆز تالانتىنى نامايان قىلىدىغان سەھنە يارىتىپ بېرىش مەقسىتىدە ئۇيۇشتۇرۇلغان، تەڭرىتاغ ئۇيغۇرچە تورى بىلەن مەركىزىي تېلېۋىزىيە تورى بىرلىكتە تەشكىللىگەن 2-نۆۋەتلىك «تەڭرىتاغ ئاۋازى» ئىستۇدېنتلار دىكتور-رىياسەتچىلىك مۇسابىقىسىنىڭ دەسلەپكى تاللاش مۇسابىقىسى 25-ئاپرېل ئوڭۇشلۇق ئېلىپ بېرىلدى. مۇسابىقىگە ئاپتونوم رايونىمىزنىڭ ھەر قايسى جايلىرى ۋە ئىچكىرى ئۆلكىلەردىن بولۇپ، جەمئىي 134 نەپەر ماھىر قاتناشتى.
بۇ نۆۋەتلىك مۇسابىقىنىڭ كۈن تەرتىپى بويىچە ماھىر تىزىملاش ۋاقتى 2015-يىل 17-ئاپرېلدىن 24-ئاپرېلغىچە ئېلىپ بېرىلغان بولۇپ، جەمئىي 150 نەپەر ماھىر نەق مەيدانغا كېلىپ تىزىملاتقان.
نۆۋەتتە، مۇسابىقىگە قاتناشقان ھەر بىر ماھىرنىڭ نەق مەيدان فىلىمى جىددىي كىرىشتۈرۈلۈۋاتقان بولۇپ، كىرىشتۈرۈش تاماملانغاندىن كېيىن، تەڭرىتاغ ئۇيغۇرچە تورى، مەركىزىي تېلېۋىزىيە تورى، شۇنداقلا ئىككى تور بېكەتنىڭ ئۈندىدار سۇپىلىرىدا بېلەت تاشلاش باسقۇچى ئېلىپ بېرىلىدۇ. بېلەت تاشلاش ئاخىرلاشقاندىن كېيىن تەكلىپلىك ئۈچ باھالىغۇچىنىڭ ھەر بىر ماھىرغا قويغان ئوتتۇرىچە نومۇرى بىلەن بېلەت سانى نىسبەتلەشتۈرۈلۈپ ئەڭ ئاخىرقى نەتىجە ئېلان قىلىنىدۇ. دەسلەپكى مۇسابىقىدا تاللانغان ماھىرلار ماينىڭ ئوتتۇرلىرىدا يېرىم ھەل قىلغۇچ مۇسابىقىگە قاتنىشىدۇ.
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
