ئۆلكە يولى 214- لىنىيەنىڭ شىنجاڭ مورىدىن پىچانغىچە بولغان بۆلىكىدە 15-سېنتەبىردىن باشلاپ ھەق ئېلىنىدۇ
8-سېنتەبىر مۇخبىرنىڭ شىنجاڭ تاشيول باشقۇرۇش ئىدارىسىدىن ئىگىلىشىچە ، ئۆلكە يولى 214-لىنىيەنىڭ شىنجاڭ مورىدىن پىچانغىچە بولغان بۆلىكىگە تەسىس قىلىنغان ئاق تېرەك دەرياسى ھەق ئېلىش پونكىتى 15-سېنتەبىردىن باشلاپ ئىشقا كىرىشىدىكەن . بۇ لىنىيەدە قاتناشنىڭ باشلانغانلىقى شەرقىي شىنجاڭ بىلەن شىمالىي شىنجاڭنى تۇتاشتۇرىغان يەنە بىر لىنىيەنىڭ ئېچىلغانلىقىدىن دېرەك بېرىپلا قالماي يەنە ، مورىدىن پىچانغىچە بولغان ئىككى رايون ئارىلىقى 300 نەچچە كىلومېتىر قىسقىراپ ، ئۆلكە يولى 303-لىنىيەسىنىڭ بېسمى يېنىكلەيدىكەن .
ئىگىلىنىشىچە ، بۇ لىنىيەدە ئېچىۋېتىش شەكلىدە ھەق ئېلىنىدىغان بولۇپ ، ھەق ئېلىش ۋاقتى ۋاقتىنچە 20 يىل قىلىپ بېكىتىلگەن .
ئۆلكە يولى 214-لىنىيەسى شىنجاڭ مورى–پىچان تاشيولىدا يۈك ئاپتوموبىللىرى ( ئالاھىدە ئاپتوموبىللار ۋە يولۇچى - يۈك توشۇشقا ئىشىلتىلىدىغان ئاپتوموبىللار ) غا قارىتا ئېغىرلىقىنى ئۆلچەپ ھەق ئېلىش يولغا قويۇلۇپ ، ئاساسلىق ھەق نىسبىتى 0.05 يۈەن / توننا / كىلومېتىر ئىكەن .
باشقا ئاپتوموبىللاردىن ئاپتوموبىل تىپىغا قاراپ تۈرلەرگە بۆلۈپ ئۆلچەم بويىچە ھەق ئېلىنىدىكەن . ئىگىلىنىشىچە ، ئۆلكە يولى 214–لىنىيە شىنجاڭ مورى–پىچان تاشيولىنىڭ ئومۇمىي ئۇزۇنلۇقى 97 كىلومېتىر بولۇپ ، 2011–يىلى 7- ئاينىڭ 10-كۈنى قۇرۇلۇش باشلانغان ، 670 مىليون يۈەن مەبلەغ سېلىنغان . ئومۇمىي لىنىيە 2-دەرىجىلىك تاشيول ئۆلچىمى بويىچە ياسالغان بولۇپ ، سائەتلىك سۈرئىتى سائىتىگە 60 كىلومېتىر قىلىپ لايىھەلەنگەن .
مەسئۇل مۇھەررىر : مەلىكەم مەمەت
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
