ئۈرۈمچى شەھىرىدە يانفون ئابونتلىرىنىڭ سانى 5 مىليون 472 مىڭ 300گە يەتتى
ئەقلىي ئىقتىدارلىق يانفوننىڭ سېتىلىش مىقدارى ۋە ئىنتېرنېت ئېقىم مىقدارىدىن كىرگەن كىرىم ئوخشاش مەزگىلدىكىدىن %90 ئاشتى
ئۈرۈمچى شەھەرلىك ئىقتىساد ۋە ئۇچۇرلاشتۇرۇش كومىتېتى يېقىندا ئېلان قىلغان سانلىق مەلۇماتلارغا قارىغاندا ، 2013-يىلى نويابىرغىچە ، ئۈرۈمچىدە يانفون ئابونتلىرىنىڭ سانى 5 مىليون 472 مىڭ 300 گە يېتىپ ، ئوخشاش مەزگىلدىكىدىن %0.56 ئاشقان . مۇناسىۋەتلىك ئىستاتىستىكىلارغا قارىغاندا ، 2012-يىلنىڭ ئاخىرىغىچە ، ئۈرۈمچى شەھىرىدىكى دائىمىي نوپۇس ۋە ئاقما نوپۇس جەمئىي تۆت مىليونغا يەتكەن بولۇپ ، بۇ ئۈرۈمچىدە ئوتتۇرا ھېساب بىلەن ھەر ئادەمنىڭ 1.3 دانە يانفونى بارلىقىدىن دېرەك بېرىدۇ .
سانلىق مەلۇماتلاردا كۆرسىتىلىشىچە ، 2013-يىلى يانۋاردىن نويابىرغىچە ، ئۈرۈمچى شەھىرىنىڭ ئۇچۇر ئالاقە كەسپىدىن كىرگەن كىرىمى 5 مىليارد 701 مىليون يۈەن بولۇپ ، ئوخشاش مەزگىلدىكىدىن %12.31 ئاشقان ؛ سېتىپ چىقىرىلغان ئۇچۇر تېرمىنال مەھسۇلاتى 986 مىڭ 500 دانە بولۇپ ، بۇنىڭ ئىچىدە ، ئەقلىي ئىقتىدارلىق يانفوننىڭ سېتىلىش مىقدارى ئوخشاش مەزگىلدىكىدىن %89.77 ئاشقان ؛ ئىنتېرنېت ئېقىم مىقدارىدىن كىرگەن كىرىم 729 مىليون يۈەنگە يېتىپ ، ئوخشاش مەزگىلدىكىدىن %91.6 ئاشقان .
مەسئۇل مۇھەررىر : ھەبىبە ئىسمائىل
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
