شائىر توختى قاسىم خۇشال ئەدەبىي ئىجادىيىتىنىڭ 60يىللىقى مۇھاكىمە يىغىنى ئېچىلدى (2)
شائىر توختى قاسىم 1935-يىلى 6-ئاينىڭ 17-كۈنى شىخو شەھىرىدە تۇغۇلغان ، ئۇ باشلانغۇچ ، ئوتتۇرا مەكتەپلەرنى يۇرتىدا تاماملاپ ، 1950-يىلى 7-ئايدا ئۆلكىلىك 2-دارىلمۇئەللىمىنگە ئوقۇشقا كىرگەن ، 1952-يىلى9-ئايدا ئىلگىرى-كېيىن بولۇپ شىخو باشلانغۇچ مەكتەپ ۋە ئوتتۇرا مەكتەپلىرىدە ھەم مايتاغ 1-باشلانغۇچ مەكتىپىدە ئوقۇتقۇچى بولغان ، 1956-يىلدىن باشلاپ «شىنجاڭ نېفىتچىلىرى » گېزىتىدە تەھرىرلىك ، مۇخبىرلىق خىزمەتلىرىنى ئىشلىگەن ، قاراماي كەسپىي تېخنىكا ئىنىستىتۇتى ( ئەينى ۋاقىتتىكى شىنجاڭ نېفىت تېخنىكومى ) دا مەمۇرىي خادىم بولۇپ ئىشلەپ ، 1993-يىلى پېنسىيەگە چىققان . پېنسىيەگە چىققىلى 20 يىلدىن ئارتۇق ۋاقىت بولسىمۇ ، شائىر ئىزچىل تۈردە قەلىمىنى توختاتماي مايتاغنى ، ئىشچىلار تۇرمۇشىنى مەدھىيەلەپ شېئىر يېزىپ كەلگەن .
شائىر 1953-يىلى تارباغاتاي گېزىتىدە ئېلان قىلىنغان «ۋەتەن-ئوغۇل قىزلىرى»دېگەن تۇنجى ئەسىرى بىلەن ئەدەبىي ئىجادىيەت ھاياتىنى باشلىغان . شۇنىڭدىن باشلاپ شائىرنىڭ 700 پارچىدىن ئارتۇق شېئىرى ، ناخشا تېكىستىلىرى «شىنجاڭ گېزىتى»، «تارىم»، «ئىلى دەرياسى»، «مايبۇلاق »، « مايتاغ ئەدەبىياتى »، « ئىشچىلار ۋاقىت گېزىتى »، « شىنجاڭ نېفىت گېزىتى » قاتارلىق مەتبۇئاتلاردا ئېلان قىلىندى ، بىر قىسىم شېئىرلىرى «مايتاغ ناخشىسى » ، «ئىز دىيار لىرىكىسى » قاتارلىق توپلاملارغا كىرگۈزۈلگەن . 2005-يىلى شائىرنىڭ « جۇڭغارىيە مەرۋايىتى » ناملىق شېئىرلار توپلىمى شىنجاڭ خەلق نەشرىياتى تەرىپىدىن نەشر قىلىنغان .ئۇ ھازىر شىنجاڭ يازغۇچىلار جەمئىيىتىنىڭ ئەزاسى ، قاراماي شەھەرلىك يازغۇچىلار جەمئىيىتىنىڭ ئەزاسى .
مەسئۇل مۇھەررىر : ھەبىبە ئىسمائىل
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
