جۇڭگو بالىلار دىيابېت كېسەللىكى باشقۇرۇش تۈرى شىنجاڭ مەركىزى قۇرۇلدى

2012.12.24 14:37 مەنبە: شىنجاڭ گېزىتى

پرىنتېرلاش

خەت چوڭ-كىچىكلىكى

　　دۇنيا دىيابېت كېسەللىكى فوندى جەمئىيىتى جۇڭگو بالىلار دىيابېت كېسەللىكى باشقۇرۇش تۈرىنىڭ شىنجاڭ مەركىزى 19–دېكابىر ئۈرۈمچىدە قۇرۇلدى.

　　ئۇقۇشىمىزچە، ئاپتونوم رايونىمىز دىئابېت كېسەللىكى كۆپ كۆرۈلىدىغان رايون بولۇپ، دىيابېت كېسىلىگە گىرىپتار بولغان بالىلار كۆپىيىۋېتىپتۇ. شىنجاڭ تېببىي ئۇنىۋېرسىتېتى قارىمىقىدىكى بىرىنچى دوختۇرخانا دۇنيا دىئابېت كېسەللىكى فوندى جەمئىيىتىنىڭ ياردىمى بىلەن غەربىي شىمال بويىچە تۇنجى بولۇپ بالىلار دىيابېت كېسەللىكى باشقۇرۇش مەركىزىنى قۇرغان. بۇ مەركەزنىڭ قۇرۇلۇشى دىيابېت كېسىلىگە گىرىپتار بولغان بالىلار ۋە ئۇلارنىڭ ئۇرۇق–تۇغقانلىرىنى دىيابېت كېسىلى بىلىملىرى بويىچە تەربىيەلەپ، داۋالاش سەۋىيەسىنى يەنە بىر بالداق ئۆستۈرۈشتىن دېرەك بېرىدۇ. بۇ مەركەز 2013–يىلىدىن باشلاپ دىيابېت كېسىلىگە گىرىپتار بولغان 50 ئاغرىق ۋە ئۇلارنىڭ ئۇرۇق–تۇغقانلىرىنى ھەر خىل پائالىيەتكە ئورۇنلاشتۇرۇپ، ئۇلارنىڭ دىيابېت كېسىلىدىن بالدۇرراق قۇتۇلۇشىغا ياردەم بېرىدىكەن. (زەرىپە ئەھەد، پىراكتىكانت مەريەمگۈل ھىدايى خەۋىرى)

مەسئۇل مۇھەررىر : ھەبىبە