ج ك پ مەركىزىي كومىتېتى، گوۋۇيۈەن، مەركىزىي ھەربىي كومىتېت سۆھبەت يىغىنى ئۆتكۈزۈپ، جۇڭگو خەلقىنىڭ ياپون باسقۇنچىلىرىغا قارشى ئورۇشى ۋە دۇنيا فاشزىمغا قارشى ئۇرۇشى غەلىبە قىلغانلىقىنىڭ 69 يىللىقىنى خاتىرىلىدى، شى جىنپىڭ مۇھىم سۆز قىلدى

تارىخنى كەينىگە قايتۇرغىلى بولمايدۇ، ئەمما كەلگۈسىنى ياراتقىلى بولىدۇ، ھەممە بىر نىيەتكە كېلىپ مىللەتنىڭ گۈللىنىشىنى ئىشقا ئاشۇرايلى

لى كېچياڭ يىغىنغا قاتناشتى، ليۇ يۈنشەن يىغىنغا رىياسەتچىلىك قىلدى

2014.09.04 14:55   مەنبە: خەلق تورى

　　ج ك پ مەركىزىي كومىتېتى، گوۋۇيۈەن، مەركىزىي ھەربىي كومىتېت 3-سېنتەبىر چۈشتىن كېيىن خەلق چوڭ سارىيىدا سۆھبەت يىغىنى ئۆتكۈزۈپ، جۇڭگو خەلقىنىڭ ياپون باسقۇنچىلىرىغا قارشى ئورۇشى ۋە دۇنيا فاشزىمغا قارشى ئۇرۇشى غەلىبە قىلغانلىقىنىڭ 69 يىللىقىنى خاتىرىلىدى، ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ مۇھىم سۆز قىلدى ھەمدە مۇنۇلارنى تەكىتلىدى: تارىخنى كەينىگە قايتۇرغىلى بولمايدۇ، ئەمما كەلگۈسىنى ياراتقىلى بولىدۇ. بىز تارىخنىڭ يېڭى باشلىنىش نۇقتىسىدا تۇرۇپ، جۇڭگو خەلقىنىڭ ياپون باسقۇنچىلىرىغا قارشى ئورۇشى ۋە دۇنيا فاشزىمغا قارشى ئۇرۇشىنىڭ ئۇلۇغ غەلبىسىنى خاتىرىلەۋاتىمىز، بىز تارىخنى ئېسىمىزدە چىڭ ساقلاپ، ئۇنى كەلگۈسىگە ئاگاھ قىلىپ، پۈتۈن پارتىيە، پۈتۈن ئارمىيە ۋە پۈتۈن مەملىكەتتىكى ھەر مىللەت خەلقىنى ئېغىر تارىخىي مەسئۇلىيەتنى زىممىسىگە ئېلىشقا سەپەرۋەر قىلىپ، پۈتۈن پارتىيە، پۈتۈن ئارمىيە ۋە پۈتۈن مەملىكەتتىكى ھەر مىللەت خەلقىنى جاسارەتلىك ۋە ياراملىق بولۇپ، جۇڭخۇا مىللىتىنىڭ ئۇلۇغ گۈللىنىشىنى ئىشقا ئاشۇرۇش ئۈچۈن كۈرەش قىلىشقا سەپەرۋەر قىلىشىمىز كېرەك.

　　جۇڭگو مىللەتلەر تەرجىمە ئىدارىسى تەرجىمىسى

　　مەنبە: خەلق تورى