- مۇھىم
- مەملىكەت
- شىنجاڭ
- خەلقئارا
لى كېچياڭ تۇنجى نۆۋەتلىك جۇڭگو-كورېيە ياش باشلامچىلار مۇنبىرىگە قاتناشتى
2015.11.03 16:48 مەنبە: تەڭرىتاغ ئۇيغۇرچە تورى
گوۋۇيۈەننىڭ زۇڭلىسى لى كېچياڭ شۇ يەر ۋاقتى 2-نويابىر چۈشتىن بۇرۇن كورىيەنىڭ دۆلەت ئىشلىرى زۇڭلىسى خۇاڭ جياۋئەن بىلەن بىرلىكتە تۇنجى نۆۋەتلىك جۇڭگو-كورېيە ياش باشلامچىلار مۇنبىرىگە قاتناشتى گوۋۇيۈەننىڭ زۇڭلىسى لى كېچياڭ شۇ يەر ۋاقتى 2-نويابىر چۈشتىن بۇرۇن كورېيەنىڭ دۆلەت ئىشلىرى زۇڭلىسى خۇاڭ جياۋئەن بىلەن بىرلىكتە تۇنجى نۆۋەتلىك جۇڭگو-كورېيە ياش باشلامچىلار مۇنبىرىگە قاتناشتى.
لى كېچياڭ بىلەن خۇاڭ جياۋئەن مۇنبەرگە قاتناشقان ئىككى دۆلەتنىڭ سىياسىي، ئىقتىساد، مائارىپ، مەدەنىيەت، تەنتەربىيە قاتارلىق ھەرقايسى ساھەلىرىدىكى ياشلار ۋەكىللىرى بىلەن قىزغىن پىكىر ئالماشتۇردى، ئارقىدىنلا ئايرىم-ئايرىم ھالدا تەبرىك سۆزى قىلدى.
لى كېچياڭ مۇنۇلارنى بىلدۈردى: ياشلار ئالماشتۇرۇشى جۇڭگو-كورېيە ئادىمىيەت ئالماشتۇرۇشىنىڭ مۇھىم تەركىبىي قىسمى بولۇپ، ئىككى دۆلەت مۇناسىۋىتىنىڭ كەلگۈسىگە ۋەكىللىك قىلىدۇ. بۇلتۇر ئىككى دۆلەت باشلىقلىرى ئۇچراشقاندا، جۇڭگو-كورېيە ياشلىرىنىڭ ئالماشتۇرۇشى ھەققىدە ئورتاق تونۇش ھاسىل قىلغانىدى. 2011-يىلى مەن كورېيەدە زىيارەتتە بولغاندا، ئىككى دۆلەتتىكى ياش دوستلار بىلەن پىكىر ئالماشتۇرۇپ، ئۇلار بىلەن بىرلىكتە چىلىغان كۆكتات قىلىپ، كورىيەنىڭ مىللىي مەدەنىيىتىنى ھېس قىلىپ يەتكەنىدىم. مەن جۇڭگو-كورېيە دوستلۇقىنىڭ ئىككى دۆلەت خەلقى، بولۇپمۇ ياش بىر ئەۋلادلارنىڭ قەلبىدىن چوڭقۇر ئورۇن ئالغانلىقىنى ھەقىقىي ھېس قىلدىم. جۇڭگو-كورېيە ياشلىرىنىڭ يېقىن دوستلۇقى تىل ۋە دۆلەت چېگرىسىدىن ھالقىپ، جۇڭگو-كورېيە دوستلۇقىنىڭ كەلگۈسىدىكى غايەت زور يۇشۇرۇن كۈچكە ئايلاندى.
جۇڭگو-كورېيە ئىككى تەرەپ 2015-يىلىدىن باشلاپ بەش يىل ئىچىدە ئىككى دۆلەت ھەر يىلى 100 نەپەر ياشنى ئۆزئارا زىيارەتكە ئەۋەتىپ، جۇڭگو-كورېيە ياش باشلامچىلار مۇنبىرىنى قەرەللىك ھالدا ئۆتكۈزۈشنى كېلىشكەنىدى. بۇ نۆۋەتلىك مۇنبەردە ‹‹جۇڭگو-كورېيە ياشلىرىنىڭ كۈچىنى مۇجەسسەملەپ، يېڭىلىق يارىتىش، ئىگىلىك تىكلەش ئارزۇسىنى جەۋلان قىلدۇرايلى!›› باش تېما قىلىندى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەرھابا ئەبەت
${KEYWORD}
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
