لى كېچياڭ: مەمۇرىي تۈزۈلمە ئىسلاھاتىنى چوڭقۇرلاشتۇرۇپ، ھۆكۈمەت فۇنكسىيەسىنى ھەقىقىي ئۆزگەرتىش كېرەك

2015.05.13 16:18   مەنبە: خەلق تورى

　　خەلق تورى ئۇيغۇرچە قانىلىنىڭ 13-ماي بېيجىڭدىن بەرگەن تېلېگراممىسى: گوۋۇيۈەن 12-ماي ئورگانلارنى ئىخچاملاپ، ھوقۇقنى تۆۋەنگە چۈشۈرۈش، باشقۇرۇش بىلەن قويۇۋېتىشنى بىرلەشتۈرۈش، فۇنكسىيەنى ئۆزگەرتىش خىزمىتىنى ئىلگىرى سۈرۈش تېلېۋىزىيە-تېلېفون يىغىنى ئاچتى. يىغىندا ج ك پ مەركىزىي كومىتېت سىياسىي بيۇروسى دائىمىي كومىتېتى، گوۋۇيۈەننىڭ زۇڭلىسى لى كېچياڭ سۆز قىلدى.

　　ج ك پ مەركىزىي كومىتېت سىياسىي بيۇروسى دائىمىي كومىتېتى، گوۋۇيۈەننىڭ مۇئاۋىن زۇڭلىسى جاڭ گاۋلى يىغىنغا رىياسەتچىلىك قىلدى. گوۋۇيۈەننىڭ مۇئاۋىن زۇڭلىسى ليۇ يەندۇڭ، ۋاڭ ياڭ، ما كەي، دۆلەت كومىسسارى چاڭ ۋەنچۈەن، گو شېڭكۈن، ۋاڭ يۇڭ يىغىنغا قاتناشتى.

　　لى كېچياڭ مۇنداق دېدى: پارتىيە 18-قۇرۇلتىيى ۋە ج ك پ 18-نۆۋەتلىك مەركىزىي كومىتېتى 2-، 3-، 4-ئومۇمىي يىغىنىنىڭ روھىغا ئاساسەن، ھۆكۈمەت فۇنكسىيەسىنى ئۆزگەرتىش مەمۇرىي تۈزۈلمە ئىسلاھاتىنى چوڭقۇرلاشتۇرۇشنىڭ يادروسى بولۇپ، ھۆكۈمەت بىلەن بازارنىڭ مۇناسىۋىتىنى ياخشى بىر تەرەپ قىلىش بۇنىڭدىكى مۇھىم ھالقا. بۇ نۆۋەتلىك ھۆكۈمەت قۇرۇلۇپ تۇنجى بېجىرگەن ئىش مەمۇرىي تۈزۈلمە ئىسلاھاتىنى ئىلگىرى سۈرۈپ، ھۆكۈمەت فۇنكسىيەسىنى ئۆزگەرتىش، ئورگانلارنى ئىخچاملاپ، ھوقۇقنى تۆۋەنگە چۈشۈرۈپ، باشقۇرۇش بىلەن قويۇۋېتىشنى ئۆز ئارا بىرلەشتۈرۈش بولدى. ئىككى يىلدىن كۆپرەك ۋاقىتتىن بۇيان، بۇ تۈرلۈك ئىسلاھاتنىڭ نەتىجىسى كۆرۈنەرلىك بولۇپ، بازارنىڭ ھاياتىي كۈچى ۋە جەمئىيەتنىڭ يېڭىلىق يارىتىش كۈچىنى زور دەرىجىدە ئۇرغۇتتى، ھۆكۈمەتنىڭ ئىدارە قىلىش ئىقتىدارىنى ئۆستۈرۈشى ۋە پاكلىق قۇرۇلۇشىنى ئىلگىرى سۈردى، مۇقىم ئېشىش، قۇرۇلمىنى تەڭشەش، خەلققە مەنپەئەت يەتكۈزۈشكە كۈچلۈك مەدەت بەردى. لېكىن ئىسلاھاتنىڭ تەرەققىياتى بىلەن خەلقنىڭ كۈتكەن ئارزۇسىدا يەنىلا نىسبەتەن چوڭ پەرق بار، قىسمەن تەدبىرلەر ئەمەلىيلەشمەسلىك، يۈرۈشلەشمەسلىك قاتارلىق مەسىلىلەرنى جىددىي بىر تەرەپ قىلىش كېرەك. ئورگانلارنى ئىخچاملاپ، ھوقۇقنى تۆۋەنگە چۈشۈرۈش، قويۇۋېتىش بىلەن باشقۇرۇشنى بىرلەشتۈرۈش، مۇلازىمەتنى ئەلالاشتۇرۇشتەك ئۈچ خىزمەتنى تەڭ ئىشلەشتە چىڭ تۇرۇپ، ھۆكۈمەت فۇنكسىيەسىنى ئۆزگەرتىشنى ئۈزلۈكسىز چوڭقۇرلاشتۇرۇپ، خەلقنىڭ ئىگىلىك تىكلەش، يېڭىلىق يارىتىشىنى ئىلگىرى سۈرۈپ، ئىجتىمائىي بايلىق يارىتىدىغان بارلىق مەنبەلەرنى تولۇق ئېچىپ، جەمئىيەتتىكى بارلىق كىشىلەرگە تالانتىنى نامايان قىلىدىغان ئادىل پۇرسەت بېرىپ، ئىسلاھاتنىڭ پايدىسى ۋە تەرەققىيات مېۋىسىدىن تەڭ بەھرىلەندۈرۈش كېرەك.

　　شىنجاڭ گېزىتى تەرجىمىسى

　　مەنبە: خەلق تورى