خەلق ئىشلىرى مىنىستىرلىقى، مەملىكەتلىك ياشانغانلار ئىشلىرى ئىشخانىسى يېقىندا ئېلان قىلغان «2025-يىللىق دۆلەت ياشانغانلار ئىشلىرى تەرەققىيات ئاخباراتى»دا كۆرسىتىلىشىچە، 2025-يىلىنىڭ ئاخىرىغىچە، مەملىكەت بويىچە ئاساسىي ياشانغاندا كۈتۈنۈش سۇغۇرتىسىغا قاتناشقانلار سانى 1 مىليارد 75 مىليون 910 مىڭغا يەتكەن بولۇپ، ئالدىنقى يىلىنىڭ ئاخىرىدىكىدىن 3 مىليون 90 مىڭ ئادەم كۆپەيگەن.
2025-يىلىنىڭ ئاخىرىغىچە، مەملىكەت بويىچە 60 ياش ۋە ئۇنىڭدىن يۇقىرى ياشتىكى ياشانغانلار نوپۇسى 323 مىليون 380 مىڭ بولۇپ، ئومۇمىي نوپۇسنىڭ ％23.0ىنى ئىگىلىگەن؛ مەملىكەت بويىچە 65 ياش ۋە ئۇنىڭدىن يۇقىرى ياشتىكى ياشانغانلار نوپۇسى 223 مىليون 650 مىڭ بولۇپ، ئومۇمىي نوپۇسنىڭ ％15.9ىنى ئىگىلىگەن. مەملىكەت بويىچە 65 ياش ۋە ئۇنىڭدىن يۇقىرى ياشتىكى ياشانغانلار نوپۇسىنى بېقىش نىسبىتى ％23.1 بولغان. مەملىكەت بويىچە ئوتتۇرىچە كۆزلىمە ئۆمۈر 79.25 ياشقا يەتكەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
