مۇخبىرنىڭ 7-ئاينىڭ 21-كۈنى كوممۇنىستىك ياشلار ئىتتىپاقى مەركىزىي كومىتېتىدىن ئىگىلىشىچە، جايلاردىكى ھەرقايسى ئالىي مەكتەپلەر 2026-يىلى غەربىي قىسىم پىلانىغا پىدائىيلىق مۇلازىمىتى قىلىش بويىچە يېڭىدىن تەشكىللىگەن 53 مىڭدىن ئارتۇق ئالىي مەكتەپ ئوقۇغۇچى پىدائىيلىرى يېقىندا ئارقا-ئارقىدىن يولغا چىقىپ، شىنجاڭ، شىزاڭ، گۇيجوۋ قاتارلىق 27 ئۆلكە (ئاپتونوم رايون، بىۋاسىتە قاراشلىق شەھەر) ۋە شىنجاڭ ئىشلەپچىقىرىش ـ قۇرۇلۇش بىڭتۈەنىنىڭ ئاساسىي قاتلام بىرىنچى سېپىگە بېرىپ پىدائىيلىق مۇلازىمىتىنى قانات يايدۇرىدىكەن.
ئىگىلىنىشىچە، بۇ يىل يېڭىدىن قوبۇل قىلىنغان پىدائىيلار يېزا-كەنت مائارىپى، يېزا-كەنت قۇرۇلۇشى، ساغلام يېزا-كەنت، ئاساسىي قاتلام جەمئىيەت ئىدارە قىلىش، ۋەتەننى قوغداش، چېگرانى مۇھاپىزەت قىلىش، ئاساسىي قاتلام ياشلار خىزمىتى قاتارلىقلارنى چۆرىدەپ بىر يىلدىن ئۈچ يىلغىچە پىدائىيلىق مۇلازىمىتىنى قانات يايدۇرىدىكەن، ％90 تىن ئارتۇق مۇلازىمەت ئىش ئورنى يېزا-بازار ۋە ئۇنىڭدىن تۆۋەن جايلاردا بولىدىكەن.
ئىگىلىنىشىچە، يېڭى دەۋر كىرگەندىن بۇيان، ئالىي مەكتەپنى پۈتكۈزگەن 400 مىڭدىن ئارتۇق ئوقۇغۇچى پارتىيەنىڭ چاقىرىقىغا ئاكتىپ ئاۋاز قوشۇپ، غەربىي قىسىم، يېزا-كەنت، ئاساسىي قاتلامغا بېرىپ پىدائىيلىق مۇلازىمىتى قىلىپ، شۇ جاينىڭ ئىقتىسادىي، ئىجتىمائىي تەرەققىياتى، مىللەتلەر ئىتتىپاقلىقى-تەرەققىياتى، چېگرا رايوننى گۈللەندۈرۈپ خەلقنى بېيىتىش ۋە چېگرا رايوننى مۇقىملاشتۇرۇش ۋە مۇستەھكەملەشنى ئىلگىرى سۈرۈش داۋامىدا ئاكتىپ رول ئوينىغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
