جۇڭنەنمېن قەدىمىي شەھىرى رەڭگارەڭ تۈسكە كىرىپ، كېچىلىك ساياھەت ئىقتىسادى مەدەنىيەت-ساياھەتنىڭ ھاياتىي كۈچىنى سىجىل قويۇپ بەردى. خەلق تورى ياڭ چيەن فوتوسى
جۇڭنەنمېن قەدىمىي شەھىرى رەڭگارەڭ تۈسكە كىرىپ، كېچىلىك ساياھەت ئىقتىسادى مەدەنىيەت-ساياھەتنىڭ ھاياتىي كۈچىنى سىجىل قويۇپ بەردى. خەلق تورى ياڭ چيەن فوتوسى
گۇيجوۋ ئۆلكىسىنىڭ تۇڭرېن شەھىرىدىكى چىراغلار چاقناپ تۇرغان جۇڭنەنمېن قەدىمىي شەھىرى. خەلق تورى ياڭ چيەن فوتوسى
ساياھەتچىلەر رەڭگارەڭ چىراغلار چاقناپ تۇرغان جۇڭنەنمېن قەدىمىي كوچىسىدا سەيلە قىلماقتا. خەلق تورى، ياڭ چيەن فوتوسى
ھەرقايسى جايلاردىن كەلگەن ساياھەتچىلەر قەدىمىي كوچىدا داكا قىلىپ سۈرەتكە چۈشمەكتە. خەلق تورى ياڭ چيەن فوتوسى
گۇيجوۋدىكى تۇڭرېندا ئۈچ تەرىپى دەريا بىلەن ئورالغان، تاغ بويلاپ قەد كۆتۈرۈپ تۇرغان يېرىم ئارالغا ئاساسى چوڭقۇر، 600 نەچچە يىلنى باشتىن كەچۈرگەن جۇڭنەنمېن قەدىمىي شەھىرى جايلاشقان. بۇ يەردە قەدىمىي شەھەر دەرۋازىسىنىڭ شەھەر سېپىلى، سىخې چوڭ قورۇسى، مىڭ، چىڭ سۇلالىلىرى دەۋرىدىكى قەدىمىي تۇرالغۇ، ئىنقىلابىي قۇربان جوۋ يىچۈننىڭ ئەسلىي تۇرالغۇسى، قەدىمىي خاتىرە راۋىقى قاتارلىق ئىمارەتلەر گىرەلىشىپ كەتكەن. رەڭگارەڭ چىراغلار پۈتكۈل قەدىمىي شەھەرنى رەڭگارەڭ تۈسكە كىرگۈزگەن بولۇپ، شەھەرنىڭ قەدىمىي پۇرىقىنى نامايان قىلىپ تۇرىدۇ.
يېقىن ئەتراپتا ئولتۇرۇشلۇق، دائىم سەيلە قىلغىلى كېلىدىغان شەھەر ئاھالىسى خۇاڭ شەنشەن ئىشىكى ئالدىدىكى بۇ داكا رايونىنى كۈچىنىڭ بارىچە تەۋسىيە قىلىپ مۇنداق دېدى: «قەدىمىي شەھەر ھەم قەدىمىي پۇراققا ھەم يېڭىچە تۈسكە ئىگە، تۇڭرېننى چۈشەنمەكچى بولسىڭىز، چوقۇم بۇ يەرگە كېلىپ ئايلىنىپ بېقىڭ. بۇ يەردە قەدىمىي ئىمارەتلەر سېلىنغان ھويلا-ئارانلارنى سەيلە قىلىپ، ئىنقىلابىي قۇربانلارنىڭ ئەسلىي تۇرالغۇسىغا ئېھتىرام بىلدۈرۈپ، يېمەي كەشتىسى غەيرىي ماددىي مەدەنىيەت مىراسلىرىدىن ھوزۇرلىنىپ، خاس مىللىيچە كىيىم-كېچەكلەرنى بىۋاسىتە كىيىپ، يەنە بىر ئىستاكان موچا يېڭى چېيىنى ئىچىپ، قويۇق مەدەنىيەت تومۇرىغا ئىگە بازارغا سىڭىپ، قەدىمدىن ھازىرغىچە بولغان مەنزىرىلەرنى تولۇق ھېس قىلالايسىز.»
جۇڭنەنمېن قەدىمىي شەھىرى تۇڭرېندىكى كۆلىمى ئەڭ چوڭ، تارىخىي مىراسلىرى ئەڭ مول تارىخىي مەدەنىيەت قىياپىتىگە ئىگە جاي. يېقىنقى يىللاردىن بۇيان، بۇ جاي قوغداش داۋامىدا جانلاندۇرۇپ پايدىلىنىش، ۋارىسلىق قىلىش داۋامىدا يېڭىلىق يارىتىپ تەرەققىي قىلىشتا چىڭ تۇرۇپ، غەيرىي ماددىي مەدەنىيەت مىراسلىرى ھۈنەر-سەنئىتىدە چوڭقۇر يىلتىز تارتىش، قىزىل ھېكايىلەرنى ياخشى سۆزلەش، چۆكۈش شەكلىدىكى مەدەنىيەت-ساياھەت مەنزىرىسى بەرپا قىلىش قاتارلىق كۆپ مەنبەلىك تەدبىرلەر ئارقىلىق، مەدەنىيەت بىلەن ساياھەتنىڭ چوڭقۇر يۇغۇرۇلۇشىغا تۈرتكە بولۇپ، ھەرقايسى جايلاردىكى ساياھەتچىلەرنى داكا قىلىشقا جەلپ قىلىپ، يېمەك-ئىچمەك، ياتاق، ساياھەت سۈرىتىگە تارتىش قاتارلىق كەسىپلەرنىڭ ماس قەدەمدە تەرەققىي قىلىشىغا تۈرتكە بولۇپ، 100 يىللىق قەدىمىي شەھەرنىڭ يېڭى ھاياتىي كۈچىنى سىجىل ئۇرغۇتتى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
