يېقىندا، نەنفاڭ قارا كۈنجۈت گۇرۇھى پاي چەكلىك شىركىتى ئۇقتۇرۇش چىقىرىپ، شىركەتنىڭ ئۇچۇر ئاشكارىلاشتا قانۇن-بەلگىلىمىگە خىلاپلىق قىلغانلىقى ئۈچۈن، جۇڭگو ئاكسىيە نازارەتچىلىك كومىتېتى شىركەت ۋە شىركەتنىڭ شۇ چاغدىكى باش مۇدىرى ۋېي چىڭۋېننى دېلو تۇرغۇزۇپ تەكشۈرۈشنى قارار قىلغانلىقىنى ئېيتتى.
ئۇقتۇرۇشتا يەنە مۇنداق دېيىلدى: نۆۋەتتە شىركەتنىڭ تۈرلۈك ئىشلەپچىقىرىش، تىجارەت پائالىيەتلىرى بىردەك نورمال، تەرتىپلىك قانات يايدۇرۇلۇۋاتىدۇ، دېلو تۇرغۇزۇش مەزگىلىدە، شىركەت ۋە ئالاقىدار تەرەپلەر ئاكسىيە نازارەتچىلىك كومىتېتىنىڭ تەكشۈرۈش خىزمىتىگە پائال ماسلىشىدۇ ھەمدە نازارەت قىلىش-باشقۇرۇش تەلىپىگە قاتتىق ئەمەل قىلىپ، ئۇچۇر ئاشكارىلاش مەجبۇرىيىتىنى ئادا قىلىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
