مۇخبىرنىڭ گۇڭئەن مىنىستىرلىقىدىن ئىگىلىشىچە، 4 ـ ئاينىڭ 1 ـ كۈنى، كامبودژادىكى ئالاقىدار تارماقلارنىڭ زور كۈچ بىلەن قوللىشى ئارقىسىدا، گۇڭئەن مىنىستىرلىقى خىزمەت گۇرۇپپىسى ئەۋەتىپ، چېن جى جىنايەتچىلەر گۇرۇھىنىڭ يادرولۇق تايانچ ئەزاسى لى شيۇڭنى كامبودژانىڭ فىنوم پېندىن ۋەتەنگە مۇۋەپپەقىيەتلىك يالاپ قايتۇرۇپ كەلگەن. بۇ جۇڭگو بىلەن كامبودژانىڭ قانۇن ئىجرا قىلىش ھەمكارلىقىدا قولغا كەلتۈرگەن يەنە بىر مۇھىم نەتىجىسى.
تەكشۈرۈش ئارقىلىق، لى شيۇڭنىڭ ئىلگىرى تەيزى گۇرۇھى قارىمىقىدىكى خۇيۋاڭ گۇرۇھىنىڭ باش مۇدىرى بولغانلىقى، قىمارخانا ئېچىش، ئالدامچىلىق قىلىش، قانۇنسىز تىجارەت قىلىش، جىنايەت تاپاۋىتىنى يوشۇرۇش قاتارلىق كۆپ تۈرلۈك جىنايەتكە چېتىلغانلىقى ئېنىقلاندى. نۆۋەتتە، لى شيۇڭغا قانۇن بويىچە مەجبۇرلاش تەدبىرى قوللىنىلغان بولۇپ، ئالاقىدار دېلو يەنىمۇ ئىچكىرىلەپ تەكشۈرۈلمەكتە.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
