چۇڭچىڭ شەھەر رايونىنى رەقەملەشتۈرۈپ تىپىنى ئۆزگەرتىشنى ئالغا سىلجىتتى

«كەسىپ زەنجىرىنىڭ يۇقىرى-تۆۋەن ھالقىسىدىكى ئالاقىسى تېخىمۇ قويۇقلاشتى.» چۇڭچىڭدا، بىر ئاپتوموبىل كارخانىسى 300دىن ئارتۇق زاۋۇت، سودىگەر بىلەن ئالاقە باغلاپ، مەھسۇلات تەتقىق قىلىپ ئېچىش ۋاقتىنى ％20 تىن كۆپرەك قىسقارتتى؛

«200 نەچچە يۈەننى ئاز خەجلىدىم، يەنە كۆپ قاتراشتىن قۇتۇلدۇم.» «داۋالاش بىلەن تەكشۈرۈشنى ئۆزئارا ئېتىراپ قىلىش»نىڭ پايدىسى بىلەن، چۇڭچىڭ چاڭشوۋ رايونىنىڭ ئاھالىسى يۈ كۇنيى باشقا شەھەر رايونلىرىدا كېسەل كۆرسەتكەندە، دوختۇر بىر ھەپتە بۇرۇن چاڭشوۋ رايونلۇق دوختۇرخانىدا قىلغان CT تەكشۈرۈش نەتىجىسىنى بىۋاسىتە كۆرۈپ چىقتى، تەكرار تەكشۈرۈش ھاجەتسىز ئىدى؛

«ئوت ئەھۋالىنى ۋاقتىدا بايقاپ، بىخەتەرلىك يوشۇرۇن خەۋپىنى ئازايتتى.» چۇڭچىڭ فۇلىڭ رايونىدا، ئەقلىي ئىقتىدارلىق سېزىش ئۈسكۈنىلىرى تاغ، ئورمانلارنىڭ بىخەتەرلىكىنى 24 سائەت ئۈزۈلدۈرمەي قوغدىدى ...

2024-يىل 4-ئايدا، باش شۇجى شى جىنپىڭ چۇڭچىڭدا تەكشۈرۈشتە بولغاندا مۇنداق كۆرسەتتى:«خەلقنىڭ شەھىرى ئىدىيەسىنى چوڭقۇر ئەمەلدە كۆرسىتىپ، پەۋقۇلئاددە چوڭ شەھەرنى زامانىۋى ئىدارە قىلىشنىڭ يېڭى يولى ئۈستىدە پائال ئىزدىنىش كېرەك.»

«15-بەش يىل»لىق يىرىك پىلان تەكلىپىدە:«رەقەملىك جۇڭگو قۇرۇلۇشىنى چوڭقۇر ئالغا سىلجىتىش» «دەرىجىدىن تاشقىرى چوڭ، ئالاھىدە چوڭ شەھەرلەرنى ئىدارە قىلىشنىڭ زامانىۋىلىشىشىنى ئالغا سىلجىتىش» ئوتتۇرىغا قويۇلدى.

چۇڭچىڭ شەھىرى باش شۇجى شى جىنپىڭنىڭ مۇھىم يوليورۇقىنىڭ روھى ۋە پارتىيە مەركىزىي كومىتېتىنىڭ تەدبىر-ئورۇنلاشتۇرمىلىرىنى چوڭقۇر ئىزچىللاشتۇرۇپ ۋە ئەمەلىيلەشتۈرۈپ، شەھەر رايونىنى رەقەملەشتۈرۈپ تىپىنى ئۆزگەرتىش ئۈستىدە پائال ئىزدىنىپ، رەقەملىك چۇڭچىڭ قۇرۇلۇشىنى پۇختا قانات يايدۇرۇپ، شەھەر ئىدارە قىلىشنى تېخىمۇ ئاقىل، تېخىمۇ يۇقىرى ئۈنۈملۈك، تېخىمۇ دەل جايىدا قىلدى. توغرا يۆنىلىشتە، بىر گەۋدىلەشكەن، ئاقىللاشقان ئاممىۋى سانلىق مەلۇمات سۇپىسى ئارقىلىق سانلىق مەلۇمات توسۇقىنى راۋانلاشتۇرۇپ، رەقەملىك بايلىقنى بىر ھېسابات دەپتىرى بويىچە باشقۇرۇشنى ئىشقا ئاشۇردى؛ تىك يۆنىلىشتە، ئۈچ دەرىجىلىك رەقەملەشكەن شەھەر يۈرۈشتۈرۈش ۋە ئىدارە قىلىش مەركىزى بەرپا قىلىپ، ئۇچۇرنى نەچچە سېكۇنت ئىچىدە ئاساسىي قاتلامغا بىۋاسىتە يەتكۈزدى. «توغرا يۆنىلىشتە راۋانلاشتۇرۇش» بىلەن «تىك يۆنىلىشتە تۇتاشتۇرۇش»نى بىرلەشتۈرۈش ئاساسىدا، چۇڭچىڭ دەرىجىدىن تاشقىرى چوڭ شەھەرنىڭ تەرەققىيات، مۇلازىمەت، ئىدارە قىلىش ئىقتىدارىنى ئۆستۈرۈش ئۈستىدە ئۈزلۈكسىز ئىزدەندى.

رەقەم بىلەن ئەقلىي ئىقتىدار يۇغۇرۇلۇپ، كەسىپلەرگە كۈچ قوشۇپ، دەرىجىدىن تاشقىرى چوڭ شەھەرنىڭ يۇقىرى سۈپەتلىك تەرەققىياتىغا تۈرتكە بولدى

«تىرىڭ −» سىناق ئاپتوموبىلىنىڭ كۆرسەتكۈچ تاختىسى تۇيۇقسىز سېرىق رەڭلىك ئاگاھلاندۇرۇش سىگنالى بەردى. ئاپتوموبىل ئالدى تەرەپتە كاشىلا كۆرۈلگەن بىر ئاپتوموبىلنىڭ توختىغانلىقىنى تونۇدى. شوپۇرنىڭ مەشغۇلات قىلىشى ھاجەتسىز بولۇپ، تورمۇز تەپكىسى تۆۋەنلەپ، ئاپتوموبىلنىڭ سائەتلىك سۈرئىتى تېز سۈرئەتتە 60 كىلومېتىردىن تۆۋەنلەپ، بەش سېكۇنتتىن كېيىن كاشىلا كۆرۈلگەن ئاپتوموبىلنىڭ كەينى تەرىپىدە سىلىق توختىدى.

چۇڭچىڭغا جايلاشقان غەربىي قىسىم ئىلىم-پەن شەھەرچىسى ئەقلىي ئىقتىدارلىق تورلاشقان ئاپتوموبىل يېڭىلىق يارىتىش مەركىزى (تۆۋەندە قىسقارتىلىپ «غەربىي قىسىم ئەقلىي ئىقتىدار بىرلەشمىسى» دېيىلىدۇ) دە، «ئەقلىي ئىقتىدارلىق ئاپتوموبىل» «ئاقىل يول»دا ماڭماقتا.

رەقەملىك چۇڭچىڭ قۇرۇلۇشىنىڭ پايدىسىدا، غەربىي قىسىم ئەقلىي ئىقتىدار بىرلەشمىسى ئۇل ئەسلىھەلەرنى بىرىكتۈرۈپ، جەمئىي تەخمىنەن 400 يول ئېغىزىدىكى سىگنال چىرىغى سانلىق مەلۇماتى، 6000 غا يېقىن تور بىرلەشمە ئاپتوموبىل سانلىق مەلۇماتىنى ئۇلاپ، ئاپتوموبىل كارخانىلىرىنىڭ ماسلىشىپ ئالدىن سىگنال بېرىش ئىقتىدارىغا ئىگە ئاپتوموبىل-ماشىنا ئۈسكۈنىلىرىنى ئەمەلىي قوللىنىشىغا تىرەك بولدى. غەربىي قىسىم ئەقلىي ئىقتىدار بىرلەشمىسىنىڭ باش دېرىكتور چۇ ۋېنبو تونۇشتۇرۇپ مۇنداق دېدى:«يەككە ئاپتوموبىل ئەقلىي ئىقتىدارى بىلەن سېلىشتۇرغاندا، ئاپتوموبىل، يول، بۇلۇتنى بىر گەۋدىلەشتۈرۈش لايىھەسىدە ئاپتوموبىل بىلەن يول ئۇچى، بۇلۇت تېرمىنالىنى ماسلاشتۇرۇش ئىشقا ئاشۇرۇلۇپ، تېخىمۇ بىخەتەر، يۇقىرى ئۈنۈملۈك بولدى.»

يۇمشاق دېتال ۋە ئۇچۇر مۇلازىمەت كەسپىنىڭ سۈپىتى ئۆستۈرۈلۈپ، ئۈنۈمى ئاشۇرۇلدى، چۇڭچىڭ ئالاقە تورى كەسىپلەر باغچىسى، جىنفېڭ يۇمشاق دېتال باغچىسى قاتارلىق 18 يۇمشاق دېتال باغچە رايونىنى ئورۇنلاشتۇرۇپ قۇردى. 2024-يىلى، چۇڭچىڭنىڭ رەقەملىك كەسىپلەردىن قىلغان كىرىمى 991 مىليارد 20 مىليون يۈەنگە يېتىپ، بۇلتۇرقى ئوخشاش مەزگىلدىكىدىن ％6.1 ئاشتى.

بىر قولدا رەقەمنى كەسىپلەشتۈرۈش، بىر قولدا كەسىپنى رەقەملەشتۈرۈش چىڭ تۇتۇلدى.

چۇڭچىڭ چىڭشەن سانائەت چەكلىك مەسئۇلىيەت شىركىتىنىڭ ئەقلىي ئىقتىدارلىق زاۋۇتىدا، پەن-تېخنىكا تۇيغۇسى تولۇپ تاشتى: تەكشۈرۈپ ئۆلچەش ئۈسكۈنىسى سۈنئىي ئەقىل تېخنىكىسىنىڭ كۆرۈش سېزىمى ئارقىلىق 0.1 مىللىمېتىرلىق ئېنىقلىق دەرىجىسى بىلەن نۇقسانلارنى پەرقلەندۈرىدۇ، تەكشۈرۈپ ئۆلچەش ئۈنۈمى ئادەم كۈچى ئارقىلىق ئۆلچەشنىڭ بەش ھەسسىسىگە توغرا كېلىدۇ؛ ھېسابلاش ئۇسۇلى ئۈسكۈنىنىڭ ئېنېرگىيە سەرپىياتى ئەگرى سىزىقىنى تەھلىل قىلىش ئارقىلىق، ئىشلەپچىقىرىش نۆۋىتىنى ھەرىكەت ھالىتىدە تەڭشەپ تىزگىنلەپ، يەككە مەھسۇلاتنىڭ ئېنېرگىيە سەرپىياتىنى %8 تۆۋەنلىتىدۇ... شىركەتنىڭ مۇئاۋىن باش ئىنژېنېرى لياۋ جېڭگاۋ مۇنداق دېدى:«بىز G5 ۋە چوڭ سانلىق مەلۇمات قاتارلىق تېخنىكىلارغا بىرلەشتۈرۈپ، ئاپتوماتىك سۈرئەت ئۆزگەرتكۈچ ئىشلەپچىقىرىش لىنىيەسىنى ئۆزگەرتىپ، ئىشلەپچىقىرىش ئۈنۈمىنى %30 ئۆستۈرۈپ، ياساش، تىجارەت تەننەرخىنى ئۈنۈملۈك تۆۋەنلەتتۇق.»

«سۈنئىي ئەقىل+ياسىمىچىلىق» ھەرىكىتىنى يولغا قويۇشنى تېزلىتىپ، «كەسىپ چوڭ مېڭىسى+كەلگۈسى زاۋۇت» رەقەملىك ئىقتىساد يېڭى ئەندىزىسىنى بەرپا قىلىپ، ياسىمىچىلىقنىڭ يۇقىرى سۈپەتلىك تەرەققىياتىغا كۈچ قوشتى. ھازىرغا قەدەر، چۇڭچىڭ جەمئىي 6900 دىن ئارتۇق ئەقلىي ئىقتىدارلاشتۇرۇپ ئۆزگەرتىش تۈرىنىڭ يولغا قويۇلۇشىغا تۈرتكە بولۇپ، ئىلغار دەرىجىلىك ئەقلىي ئىقتىدارلىق زاۋۇتتىن 211 نى قۇردى، كۆلەمدىن يۇقىرى سانائەت كارخانىلىرىنىڭ ئاچقۇچلۇق ئىش تەرتىپىدە رەقەملىك كونترول قىلىش نىسبىتى ％63.9 كە يەتتى.

توسۇقلارنى ئېچىپ، توغرا يۆنىلىشتە تۇتاشتۇرۇپ، دەرىجىدىن تاشقىرى چوڭ شەھەرنىڭ يۇقىرى سۈپەتلىك مۇلازىمىتىگە كۈچ قوشۇش

«ئىككىنچى بالا تۇغۇلسا، رەسمىيەت بېجىرىش ئىلگىرىكىدىن كۆپ تېز بولدى» دېدى چۇڭچىڭ لياڭجياڭ يېڭى رايونىنىڭ ئاھالىسى ليۇ خۇەنخۇەن. يېقىندا، تۇغۇت بۆلۈمىنىڭ سېستراسى ليۇ خۇەنخۇەنگە ياردەملىشىپ يان تېلېفوندا «يېڭى تۇغۇلغان بوۋاقنىڭ تۇغۇلۇش ئىشى»نى بېجىردى. چۇڭچىڭ شەھىرىنىڭ ھۆكۈمەت ئىشلىرى مۇلازىمىتىدە «چۇڭچىڭ تېز بېجىرىش»نى قوللىنىش ئارقىلىق، بىر قېتىم مەشغۇلات قىلىپلا تۇغۇلۇش ئىسپاتى، نوپۇس قاتارلىق ئىشلارنى ئىلتىماس قىلىپ بېجىرەلىدى، ليۇ خۇەنخۇەن ئەتىسىلا بالىسىنىڭ تۇغۇلۇش ئىسپاتىنى ئالدى.

ئامما ئاز قاتراپ، سانلىق مەلۇماتتىن كۆپ پايدىلىنىش. چۇڭچىڭ بىر گەۋدىلەشكەن ئەقلىي ئىقتىدارلىق ئاممىۋى سانلىق مەلۇمات سۇپىسىنى بىرتۇتاش قۇرۇپ، شەھەر دەرىجىلىك تارماقلار، كارخانا، كەسپىي ئورۇنلار، رايون، ناھىيە (تەرەققىيات رايونى) قاتارلىقلار ئۆزى قۇرغان سانلىق مەلۇمات سۇپىسىنى بىرىكتۈرۈپ، سانلىق مەلۇمات بايلىقى «چوڭ تاللا بازىرى»نى شەكىللەندۈردى، ھەرقايسى ئورۇنلار ئېھتىياجغا قاراپ يۆتكەپ ئىشلەتسە بولىدۇ.

چۇڭچىڭ شەھەرلىك ھۆكۈمەتنىڭ مۇئاۋىن باش كاتىپى، شەھەرلىك چوڭ سانلىق مەلۇماتنى ئەمەلىي قوللىنىش ۋە تەرەققىي قىلدۇرۇشنى باشقۇرۇش ئىدارىسىنىڭ ئىدارە باشلىقى دەي شياۋخۇڭ تونۇشتۇرۇپ: «دىققەتنى ئامما ئالدىراۋاتقان، قىينىلىۋاتقان، ئەندىشە قىلىۋاتقان، تەقەززا بولۇۋاتقان مەسىلىلەرگە مەركەزلەشتۈرۈپ، < ئەڭ كۆپ بولغاندا بىر قېتىم قاتراش > تىن < بىر قېتىممۇ قاترىماسلىق > قا تۈرتكە بولۇش » دېدى. نۆۋەتتە، چۇڭچىڭ «بىر ئىشنى يۇقىرى ئۈنۈمدە بېجىرىش» مەخسۇس رايونى قۇرۇپ، «بىر ئىش»تىن 85 نى توپلاشتۇرۇپ، 300 دىن ئارتۇق نەق مەيدان قوللىنىشچانلىقنى چوڭقۇر بەرپا قىلدى.

ھەم ئاممىنىڭ ئېھتىياجىنى قاندۇردى، ھەم تىجارەت سۇبيېكتىغا مۇلازىمەت قىلدى.

چۇڭچىڭ دادۇكوۋ رايونى باچياۋ بازىرىدا، ئىلگىرى كارخانىلارنى نازارەت قىلىپ باشقۇرۇشقا «تەڭ كۈچ چىقىرىپ، ئومۇميۈزلۈك تەكشۈرۈپ»، كۆپ ۋاقىت، كۆپ كۈچ سەرپ قىلاتتۇق، بەزىدە يەنە چالا قالاتتى. بۈگۈنكى كۈندە، بازار جەمئىيەت ئورتاق ئىشلىتىدىغان ئىناۋەت دەرىجىسىنى باھالاش سىستېمىسى ئاساسىدا، قىزىل، سېرىق، يېشىلدىن ئىبارەت ئۈچ دەرىجە بويىچە ئايرىپ، يېشىل، سۇبيېكىتلارنى ئىش بولمىسا ئاۋارە قىلماسلىققا مەركەزلەشتۈرۈپ، دىققەتنى سېرىق، قىزىل سۇبيېكىتلارنى نازارەت قىلىپ باشقۇرۇشقا مەركەزلەشتۈردى. «سەمىمىي كارخانىلار تېخىمۇ كۆڭۈل قويۇپ سودا قىلسا بولىدۇ، بىزنىڭ يۈكىمىزمۇ يېنىكلىدى»دېدى قانۇن ئىجرا قىلغۇچى خادىم لى شيەنفېڭ.

چۇڭچىڭ كارخانىلارغا ئالاقىدار بىر پونكىت شەكلىدىكى مۇلازىمەت سۇپىسى بەرپا قىلىپ، كارخانىلارنىڭ ئېھتىياجى بىلەن مۇلازىمەت تەمىناتىنى ئەقلىي ئىقتىدارلىق ماسلاشتۇرۇش ۋە دەل جايىدا يوللاشنى ئىشقا ئاشۇردى، كارخانىلارنىڭ جەمئىي 10 مىڭدىن ئارتۇق ئىلتىماس ـ تەلىپىنى بېجىردى، يەنە كارخانىلارغا نەپ يەتكۈزۈش سىياسىتىنى تەشەببۇسكارلىق بىلەن «ئىشىك ئالدىغىچە يەتكۈزدى».

ئۈچ دەرىجىلىك بىرلىشىپ ھەرىكەتكە كېلىپ، تىك يۆنىلىشتە تۇتاشتۇرۇپ، دەرىجىدىن تاشقىرى چوڭ شەھەرنى يۇقىرى ئۈنۈملۈك ئىدارە قىلىشنى ھەقىقىي ئىلگىرى سۈرۈش

چۇڭچىڭ شەھەرلىك رەقەملەشكەن شەھەر يۈرۈشتۈرۈش ۋە ئىدارە قىلىش مەركىزىگە كىرگەندە، ئېكراندا تۈرلۈك سانلىق مەلۇماتلار ھەر ۋاقىت چاقناپ تۇراتتى، يۈرۈشۈش ئەھۋالىنى بىر قاراپلا بىلگىلى بولاتتى.

قوماندانلىق زالىنىڭ ئېكرانىدا قىزىل «ئەسكەرتىش»كۆرۈندى، بۇ ئۇچۇر يۇڭچۇەن رايونى چاشەن جۇخەي ئورمانچىلىق مەيدانىنىڭ ئورمان ئوت ئاپىتىنىڭ ئالدىنى ئېلىشنى سېزىش ئۈسكۈنىسىدىن كەلگەنىدى. يۇڭچۇەن رايونلۇق رەقەملەشكەن شەھەر يۈرۈشتۈرۈش ۋە ئىدارە قىلىش مەركىزى ئوت ئەھۋالى ئۇچۇرىنى ماس قەدەمدە دائىرە خادىملىرىغا يەتكۈزدى. ئوت يالقۇنى ھەقىقىي مۇئەييەنلەشتۈرۈلگەندىن كېيىن، سىستېما تېزدىن كەسپىي جىددىي ئىشلارغا تاقابىل تۇرۇش قوشۇنىنى نەق مەيدانغا بېرىشقا ئورۇنلاشتۇرۇپ، ئوتنى دەسلەپكى باسقۇچتا ئۆچۈردى.

چۇڭچىڭ شەھەرلىك رەقەملەشكەن شەھەرنى يۈرۈشتۈرۈش ۋە ئىدارە قىلىش مەركىزىنىڭ مۇئاۋىن مۇدىرى ۋاڭ جۈنجيې: «ئادەتتىكى ئەھۋالدا، رايون دەرىجىلىك مەركەزلەر ئورۇنلاشتۇرۇپ قوماندانلىق قىلىدۇ. ئەگەر ئوت ئەھۋالى بىرقەدەر ئېغىر بولسا، شەھەر دەرىجىلىك ئىدارە قىلىش مەركىزى دەرھال ئارىلىشىپ، ئالاقىدار تارماقلار ئەقلىي ئىقتىدارلىق لايىھەگە بىرلەشتۈرۈپ، تېخىمۇ كۆپ خادىملارنى ئوت ئۆچۈرۈشكە قاتنىشىشقا ماسلاشتۇرۇپ، ئۈچ دەرىجىلىك يۇقىرى ئۈنۈملۈك بىرلىشىپ ھەرىكەتلىنىشنى ئىشقا ئاشۇرۇپ، ئىدارە قىلىش ئۈنۈمىنى كۆرۈنەرلىك ئۆستۈرىدۇ» دېدى. ئىلگىرى، ئورمان ئوت ئاپىتى قاتارلىق جىددىي ئىشلارغا تاقابىل تۇرۇشتا، شەھەر، رايون، ئورمان رايونى قاتارلىق كۆپ قاتلام ۋە ئورۇن بىلەن ھەمتۈرتكە بولۇشقا توغرا كېلەتتى، ئالاقە تەننەرخى يۇقىرى، ئۈنۈمى يۇقىرى ئەمەس ئىدى. بۇنىڭغا قارىتا، چۇڭچىڭ توغرا يۆنىلىشتە «بىر سۇپا» بەرپا قىلىپ، تىك يۆنىلىشتە ئۈچ دەرىجىلىك رەقەملەشكەن شەھەر يۈرۈشتۈرۈش ۋە ئىدارە قىلىش مەركىزىنى بەرپا قىلدى. بۇنىڭ ئىچىدە، شەھەر ئىدارە قىلىش مەركىزىنىڭ ئورنى «شەھەر چوڭ مېڭىسى» بولۇپ، ئاساسلىقى رايون، ناھىيە ھالقىپ ئىدارە قىلىشتىكى قىيىن مەسىلىلەرنى ھەل قىلىدۇ؛ رايون، ناھىيە ئىدارە قىلىش مەركىزى دىققەتنى «ئەمەلىي جەڭ تۈگۈنى»گە مەركەزلەشتۈرۈپ، ئاساسلىقى بازار، كوچىلاردىن ھالقىپ ئىدارە قىلىشتىكى قىيىن مەسىلىلەرنى ھەل قىلىدۇ: بازار، كوچا ئىدارە قىلىش مەركىزى «ئىجرا قىلىشنىڭ ئاخىرقى ئۇچى» بولۇش سۈپىتى بىلەن، ئاساسلىقى كەنت، مەھەللە ھالقىپ ئىدارە قىلىشتىكى قىيىن مەسىلىلەرنى ھەل قىلىدىغان بولۇپ، 1031 بازار-كوچىنى قاپلىدى.

يۈجۇڭ رايونى خۇڭيادۇڭدا، ئۈسكۈنىلەر ساياھەتچىلەر سانىنىڭ چەكتىن ئېشىپ كەتكەنلىكىنى ھېس قىلغان ھامان، ئالاقىدار ئورۇنلار ھەر ۋاقىت ئۇچۇر تاپشۇرۇۋېلىپ، مەنزىرە رايونىدىكى ئادەم ئېقىمىنىڭ زىيادە كۆپ ئېشىپ كېتىشىگە ۋاقتىدا تاقابىل تۇرىدۇ؛ جۇڭشيەن ناھىيەسى شىباۋ بازىرى لاۋلىن سۇ ئامبىرى ھاۋا بوشلۇقىدا، كۆپ خىل سېنزورلار سۇ ئورنى، سىڭىش بېسىمى، ھۆل ـ يېغىن مىقدارى قاتارلىق كۆرسەتكۈچلەرنى ھەر ۋاقىت كۆزىتىپ ئۆلچەپ، سۇ ئەھۋالىنىڭ ئۆزگىرىشىنى خاتىرىلەيدۇ. ..چۇڭچىڭ سېزىش، ئالدىن سىگنال بېرىش، تەدبىر بەلگىلەپ بىر تەرەپ قىلىش، نازارەت قىلىپ باھالاش، يېپىق ھالقىلىق خىزمەت مېخانىزمىنى ئەسلىگە كەلتۈرۈپ ياخشىلاپ، «ئېلاستىكلىققا ئىگە بىخەتەر شەھەر ئىدارە قىلىش خەرىتىسى»نى بەرپا قىلىپ، كەلكۈندىن مۇداپىئەلىنىش، ئاپەتتىن قۇتقۇزۇش، يېقىلغۇ گاز تۇرۇبا تورى قاتارلىق ساھەلەردىكى خەتەرلىك نۇقتىدىن 590 مىڭنى كىرگۈزۈپ، ھۆكۈمەت، جەمئىيەت، كارخانىلارنىڭ سېزىش ئۈسكۈنىسىدىن 22 مىليوننى تۇتاشتۇرۇپ، 270 تۈرلۈك يوشۇرۇن خەۋپنى ۋاقتىدا ئەسكەرتىپ، پۈتۈن شەھەرنىڭ جىددىي ئىشلارغا تاقابىل تۇرۇشقا ئىنكاس قايتۇرۇش سۈرئىتى ئۈچ ھەسسە ئاشۇرۇلدى.

دەي شياۋخۇڭ : «دەرىجىدىن تاشقىرى چوڭ شەھەر بىر ئېچىۋېتىلگەن مۇرەككەپ سىستېما، چۇڭچىڭ سىستېما نەزەرىيەسى ئارقىلىق رەقەملىك چۇڭچىڭ قۇرۇلۇشىغا تۈرتكە بولۇشتا چىڭ تۇرۇپ، تەدبىر بەلگىلەشتە شەخسنىڭ تەجرىبىسىگە تايىنىش دەرىجىسىنى تۆۋەنلىتىپ، < كۆپەيتكىلى بولىدىغان ئەمما ئېلىپ كەتكىلى بولمايدىغان ئىقتىدار > نى شەكىللەندۈردى» دېدى. كېيىنكى قەدەمدە، چۇڭچىڭ شەھەر رايونىنى رەقەملەشتۈرۈپ تىپىنى ئۆزگەرتىشنى سىجىل ئالغا سىلجىتىپ، تېخىمۇ كۆپ ئەمەلىي قوللىنىشچان، ئىشلىتىشكە ئەپلىك ئەمەلىي قوللىنىشچان پىروگراممىلارنى ئېچىپ، دەرىجىدىن تاشقىرى چوڭ شەھەرنى زامانىۋى ئىدارە قىلىشنىڭ يېڭى يولى ئۈستىدە جاسارەت بىلەن ئىزدىنىشى كېرەك.