9-ئاينىڭ 29-كۈنى، دىپلوماتىيە مىنىستىرلىقىنىڭ قەرەللىك مۇخبىرلارنى كۈتۈۋېلىش يىغىنىدا، باياناتچى گو جياكۇن مۇنداق بىلدۈردى: لەي چىڭدې دائىرىلىرى ئىقتىساد-سودا، پەن-تېخنىكا، مەدەنىيەت قاتارلىقلارنى دەستەك قىلىپ ياكى ئاتالمىش شەخسىي سالاھىيەت، غەيرىي ھۆكۈمەت تەرەپ سالاھىيىتى بىلەن ئالاقىدار دۆلەتلەرگە تىمىسقىلاپ بېرىپ، «تەيۋەن مۇستەقىللىقى» بۆلگۈنچىلىكىگە دائىر يالغان-ياۋىداق سەپسەتىلىرىنى ھەدەپ تارقىتىپ، ئۆزىنىڭ «مۇستەقىل» بولۇشنى كۆزلەيدىغان رەزىل قىلمىشىدا يۈرىكىنى يوغىنىتىش ئۈچۈن تاشقى كۈچلەرنى ھەدەپ ئۆزىگە تارتىپ، ئۆز-ئۆزىنى ماختاش ئارقىلىق ھاكىمىيەت يۈرگۈزۈشتە ئىقتىدارسىز قېلىشتەك مۈشكۈل ئەھۋالنى يوشۇرۇشقا تەلۋىلەرچە ئۇرۇندى. بۇ رەزىل ئويۇنلار خەلقئارا جەمئىيەتكە ئۇنىڭ رەزىل ئەپت-بەشىرىسى، رەزىل غەرىزى ۋە رەزىل ۋاسىتىسىنى يەنە بىر قېتىم ئېنىق كۆرسىتىپ قويىدۇ، تەيۋەننىڭ جۇڭگونىڭ بىر قىسمى ئىكەنلىكىدىن ئىبارەت پاكىتنى ئۆزگەرتەلمەيدۇ، بۇ خەلقئارا جەمئىيەتنىڭ بىر جۇڭگو پىرىنسىپىدا چىڭ تۇرۇشتەك ئاساسىي ئەندىزىسىنى تەۋرىتەلمەيدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
