كۆك خىش، قارا كاھىش، قارلىغاچ قۇيرۇقىسىمان لەمپىلىك، ئەسلىگە كەلتۈرۈلۈپ كۆچۈرۈپ سېلىنغان ئەنئەنىۋى قەدىمىي ئىمارەتلەر گىرەلىشىپ كەتكەن؛ كىچىك كۆۋرۈكلەردىن سۇ ئېقىپ، سەككىز كۆل، سەككىز ئارال، سەككىز گۈزەل مەنزىرىنى سۈرەتلەپ بەرگەن، توققۇز چوڭ قۇرۇلۇش ئېقىمى بۇ يەردە گىرەلىشىپ كەتكەن...5-ئاينىڭ 22-كۈنى، نۇرغۇن ساياھەتچى يامغۇردا خۇبېي يۈنمېڭ شياڭيۈنۋەننى سەيلە قىلدى، قەدىمىي تۈسكە ئىگە كونا كوچا يامغۇردا ئۆزگىچە تۈسكە كىرگەنىدى.
شياڭيۈنۋەن ئۆزگىچە مەدەنىيەت ساياھەت قەدىمىي بازار تۈرى بولۇپ، ھەرقايسى جايلاردىكى قۇتقۇزۇش خاراكتېرلىك قوغداش ھەمدە ئەمەلىي گەۋدە بويىچە نەچچە يۈز قەدىمىي ئىمارەتنى يۆتكەشتىن تەركىب تاپقان، شىپاڭ، راۋاق، ئوردا، گۈللۈك زال، بۇتخانا قاتارلىقلارنى ئۆز ئىچىگە ئالىدۇ، ھەربىر قەدىمىي ئىمارەت ئەسلىدىكى ئورنىدىن 1:1 نىسبەتتە چۇۋۇپ قايتا سېلىنغان، ئەنخۇي ئۇسلۇبى، شەنشى ئۇسلۇبى، بېيجىڭ ئۇسلۇبى، فۇجيەن ئۇسلۇبى، جېجياڭ ئۇسلۇبى، جياڭسۇ ئۇسلۇبى، سىچۈەن ئۇسلۇبى، شىزاڭ ئۇسلۇبىدىكى ئىمارەتلەر مۇكەممەل ساقلىنىپ، ئۇلارنىڭ يېڭى ھاياتىي كۈچى ئۇرغۇتۇلدى.
2025-يىلى يېڭى يىلدا، كونا كوچىلار ئېچىلغاندا نۇرغۇن ساياھەتچىلەرنى جەلپ قىلدى. بۇ يىل 4-ئاينىڭ 4-كۈنىدىن 5-ئاينىڭ 5-كۈنىگىچە بولغان مەزگىلدە، بۇ مەنزىرە رايونى تېرە قونچاق ئويۇنى، ئۈچ بوغۇملۇق لۇڭ ئويۇنى قاتارلىق قەدىمىي ئۇسلۇبتىكى ھۈنەر-سەنئەت پائالىيەتلىرىنى كىرگۈزدى، 600 مىڭ ساياھەتچى بۇ يەرگە كېلىپ چۇ ئۇسلۇبى، چىن مېلودىيەسىنىڭ ئۆزگىچە سېھرىي كۈچىدىن ھۇزۇرلاندى. بۇ جايدا، قەدىمىي ئىمارەتلەرنىڭ گۈزەللىكىدىن ھۇزۇرلىنىپلا قالماي، يەنە مۇنەۋۋەر ھۈنەر-سەنئەت ئەسەرلىرى، غەيرىي ماددىي مەدەنىيەت مىراسلىرىغا ۋارىسلىق قىلىش ۋە ئەنئەنىۋى تۇرمۇشنى يېقىن ئارىلىقتىن ھېس قىلىپ، تارىخ، مەدەنىيەت بىلەن «سۆزلىشىش»نى ئىشقا ئاشۇرغىلى بولىدۇ.
بېيجىڭ ئۇسلۇبىدىكى باغچە. خەلق تورى مۇخبىرى جوۋ ۋېن فوتوسى
ئەنخۇي ئۇسلۇبىدىكى باغچە. خەلق تورى مۇخبىرى جوۋ ۋېن فوتوسى
خۇبېيدىكى «چاڭجياڭنىڭ جەنۇبىدىكى سۇ ماكانى». خەلق تورى مۇخبىرى ۋاڭ گوجى فوتوسى
شياڭيۈنۋەن كوچا مەنزىرىسى. خەلق تورى مۇخبىرى جاڭ جۈن فوتوسى
كىچىك كۆۋرۈكتىن سۇ ئاقىدۇ، كېمە سۇدا ماڭىدۇ. خەلق تورى مۇخبىرى جوۋ ۋېن فوتوسى
ئەنخۇينىڭ خۇيجوۋدىن تەقلىدىي كۆچۈرۈپ كېلىنگەن مىڭ سۇلالىسى دەۋرىدىكى سەككىز پۇتلۇق خاتىرە راۋاق. خەلق تورى مۇخبىرى جوۋ ۋېن فوتوسى
يامغۇردا مەنزىرە تاماشا قىلىش. خەلق تورى مۇخبىرى جوۋ ۋېن فوتوسى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
