مەملىكەتلىك خەلق قۇرۇلتىيى دائىمىي كومىتېتىنىڭ باشلىقى جاۋ لېجى 5-ئاينىڭ 14-كۈنى بېيجىڭدا لاتىن ئامېرىكا پارلامېنتىنىڭ باشلىقى گونزالېز، ئوتتۇرا ئامېرىكا پارلامېنتىنىڭ باشلىقى ئېرناندېس بىلەن ئايرىم-ئايرىم كۆرۈشتى.
گونزالېز بىلەن كۆرۈشكەندە، جاۋ لېجى مۇنداق بىلدۈردى: رەئىس شى جىنپىڭ جۇڭگو-لاتىن ئامېرىكا مۇنبىرى 4-نۆۋەتلىك مىنىستىر دەرىجىلىكلەر يىغىنىنىڭ ئېچىلىش مۇراسىمىغا قاتناشتى ھەم ئاساسىي مەقسەت سۆزى قىلدى، جۇڭگو-لاتىن ئامېرىكا تەقدىر ئورتاق گەۋدىسىدىن ئىبارەت بەش چوڭ قۇرۇلۇشنى ئورتاق قۇرۇشنى ئوتتۇرىغا قويۇپ، ئىستراتېگىيە يۈكسەكلىكىدىن جۇڭگو-لاتىن ئامېرىكا مۇناسىۋىتىنىڭ تەرەققىيات يۆنىلىشىنى ئېنىق كۆرسىتىپ بەردى. جۇڭگو مەملىكەتلىك خەلق قۇرۇلتىيى بۇ قېتىمقى مىنىستىر دەرىجىلىكلەر يىغىنىنى پۇرسەت بىلىپ، لاتىن ئامېرىكا پارلامېنتى بىلەن بولغان دوستانە مۇناسىۋەتنى چوڭقۇرلاشتۇرۇپ، يىغىن نەتىجىلىرىنىڭ ئەمەلىيلىشىپ ئۈنۈم بېرىشىگە تۈرتكە بولۇشنى خالايدۇ. لاتىن ئامېرىكا پارلامېنتىنىڭ بىر جۇڭگو پىرىنسىپىغا ئىلگىرىكىدەكلا قەتئىي ئەمەل قىلىدىغانلىقىغا ئىشىنىدۇ. ئىككى تەرەپ سىياسىي جەھەتتە ئۆزئارا ئىشىنىشنى كۈچەيتىپ، ئورتاق ھالدا جۇڭگو بىلەن لاتىن ئامېرىكىنىڭ «بىر بەلباغ، بىر يول»نى يۇقىرى سۈپەتتە ئورتاق قۇرۇشى ئۈچۈن ياخشى قانۇنچىللىق مۇھىتى ۋە خەلق رايى ئاساسىنى يارىتىپ، كۆپ تەرەپلىك پارلامېنت تەشكىلاتلىرىنىڭ ئالاقىلىشىشى، ماسلىشىشىنى كۈچەيتىپ، قانۇن چىقىرىش ئاپپاراتلىرى قاتلىمىدىن جۇڭگو-لاتىن ئامېرىكا تەقدىر ئورتاق گەۋدىسى قۇرۇلۇشىنىڭ پۇختا قەدەم بىلەن يىراققا يۈرۈش قىلىشىغا كۈچ قوشۇشى كېرەك.
گونزالېز مۇنداق بىلدۈردى: لاتىن ئامېرىكا پارلامېنتى بىر جۇڭگو پىرىنسىپىغا قەتئىي ئەمەل قىلىدۇ، جۇڭگو-لاتىن ئامېرىكا مۇنبىرى يىغىنىنىڭ نەتىجىلىرىنى ئەمەلىيلەشتۈرۈش، لاتىن ئامېرىكا-جۇڭگو تەقدىر ئورتاق گەۋدىسى قۇرۇلۇشىنى ئىلگىرى سۈرۈش ئۈچۈن تۆھپە قوشۇشنى خالايدۇ.
ئېرناندېس بىلەن كۆرۈشكەندە، جاۋ لېجى مۇنداق بىلدۈردى: رەئىس شى جىنپىڭنىڭ جۇڭگو-لاتىن ئامېرىكا مۇنبىرى 4-نۆۋەتلىك مىنىستىر دەرىجىلىكلەر يىغىنىنىڭ ئېچىلىش مۇراسىمىدا قىلغان ئاساسىي مەقسەت سۆزى جۇڭگو-لاتىن ئامېرىكا تەقدىر ئورتاق گەۋدىسى مۇھىم ئىدىيەسىنىڭ مول ماھىيەتلىك مەزمۇنى، ئەمەلىيەت مۇۋەپپەقىيەتلىرى ۋە كەڭ ئىستىقبالىنى ئىزاھلاپ، جۇڭگو بىلەن لاتىن ئامېرىكىنىڭ قول تۇتۇشۇپ ئىلگىرىلىشىگە كۈچلۈك ھەرىكەتلەندۈرگۈچ كۈچ قوشتى. جۇڭگو مەملىكەتلىك خەلق قۇرۇلتىيى ئوتتۇرا ئامېرىكا پارلامېنتى بىلەن دوستانە ئالاقىنى كۈچەيتىپ، ئىككى تەرەپ مۇناسىۋىتىنىڭ سىياسىي ئاساسىنى مۇستەھكەملەپ، ئەمەلىي ھەمكارلىقنى كۈچەيتىپ، كۆپ تەرەپلىك ھەمكارلىقنى كۈچەيتىپ، جۇڭگو-لاتىن ئامېرىكا تەقدىر ئورتاق گەۋدىسىنى ئورتاق بەرپا قىلىش ئۈچۈن تۆھپە قوشۇشنى خالايدۇ. بىر جۇڭگو پىرىنسىپىدا چىڭ تۇرۇش خەلقئارا ھەققانىيەت، كىشىلەر قەلبىنىڭ مايىللىقى، ۋەزىيەتنىڭ يۈزلىنىشى، ئوتتۇرا ئامېرىكا پارلامېنتىنىڭ بىر جۇڭگو پىرىنسىپىغا داۋاملىق ئەمەل قىلىدىغانلىقىغا، جۇڭگونىڭ دۆلەتنىڭ ئىگىلىك ھوقۇقى ۋە زېمىن پۈتۈنلۈكىنى قوغدىشىنى قەتئىي قوللايدىغانلىقىغا ئىشىنىمەن.
ئېرناندېس مۇنداق بىلدۈردى: ئوتتۇرا ئامېرىكا پارلامېنتى بىر جۇڭگو پىرىنسىپىغا قەتئىي ئەمەل قىلىدۇ، رەئىس شى جىنپىڭ ئوتتۇرىغا قويغان لاتىن ئامېرىكا-جۇڭگو تەقدىر ئورتاق گەۋدىسىدىن ئىبارەت بەش چوڭ قۇرۇلۇشنى پۈتۈن كۈچ بىلەن قوللايدۇ، بۇنىڭ ئۈچۈن بوشاشماي تىرىشچانلىق كۆرسىتىشنى خالايدۇ.
پېڭ چىڭخۇا كۆرۈشۈشكە قاتناشتى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
