دۆلەتنىڭ مۇئاۋىن رەئىسى خەن جېڭ 4-ئاينىڭ 1-كۈنى بېيجىڭدا گوللاندىيە خان جەمەتى فىلپىس شىركىتىنىڭ باش ئىجرائىيە ئەمەلدارى جيابورۈي بىلەن كۆرۈشتى.
خەن جېڭ مۇنۇلارنى بىلدۈردى: ھازىر خەلقئارا تەرەققىيات مۇھىتىدا مۇرەككەپ، چوڭقۇر ئۆزگىرىش بولۇۋاتىدۇ، ئېنىقسىزلىق ۋە مۇقىمسىزلىق كۆپىيىۋاتىدۇ. جۇڭگو بىلەن گوللاندىيە ئوخشاشلا ئېچىۋېتىش تىپىدىكى ئىقتىسادىي گەۋدە، ئىقتىسادنى دۇنياۋىلاشتۇرۇشنىڭ تەشەببۇسچىسى، تۈرتكە بولغۇچىسى، مەنپەئەتلەنگۈچىسى. جۇڭگو باشتىن-ئاخىر ئېچىۋېتىش تىپىدىكى دۇنيا ئىقتىسادى بەرپا قىلىشقا كۈچ چىقىرىپ، يۇقىرى سەۋىيەلىك ئېچىۋېتىش ئارقىلىق جۇڭگو-گوللاندىيە، جۇڭگو-ياۋروپا ئىقتىساد-سودا ھەمكارلىقىنى ئالغا سىلجىتىشتا چىڭ تۇرۇپ، دۆلەت ھالقىغان شىركەتلەر ئۈچۈن يېڭى تەرەققىيات پۇرسىتى يارىتىپ بېرىدۇ. فىلىپىس شىركىتىنىڭ جۇڭگودا داۋاملىق چوڭقۇر يىلتىز تارتىپ، جۇڭگودىكى تەتقىق قىلىپ ئېچىش سېلىنمىسىنى كېڭەيتىپ، جۇڭگو-ياۋروپا ئىقتىساد-سودا ھەمكارلىقىنىڭ ساغلام تەرەققىياتىنى ئىلگىرى سۈرۈش ئۈچۈن ئاكتىپ رولىنى جارى قىلدۇرۇشىنى قارشى ئالىدۇ.
جيابورۈي مۇنداق بىلدۈردى: رەئىس شى جىنپىڭنىڭ ئالدىنقى ھەپتە خەلقئارا سودا-سانائەت ساھەسىدىكى ۋەكىللەر بىلەن كۆرۈشكەندە قىلغان مۇھىم سۆزى كىشىنى ھەسسىلەپ ئىلھاملاندۇرىدۇ، فىلىپىس شىركىتى جۇڭگونىڭ ئىقتىسادىي تەرەققىيات ئىستىقبالى ۋە بازار پۇرسىتىگە ئۈمىدۋار قاراپ، جۇڭگودىكى ئۇزاق مۇددەتلىك تەرەققىيات ئىستراتېگىيەسىدە داۋاملىق چىڭ تۇرۇپ، گوللاندىيە بىلەن جۇڭگونىڭ ئالماشتۇرۇشى، ھەمكارلىقىغا ھەقىقىي كاپالەتلىك قىلىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
