«ئىزدىنىش» ژۇرنىلىدا باش شۇجى شى جىنپىڭنىڭ مۇھىم ماقالىسى ئېلان قىلىنىدۇ

شىنخۇا ئاگېنتلىقى، بېيجىڭ، 3 - ئاينىڭ 31 - كۈنى تېلېگراممىسى 4 - ئاينىڭ 1 - كۈنى نەشردىن چىقىدىغان «ئىزدىنىش» ژۇرنىلىنىڭ 7 - سانىدا جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭنىڭ «پەن - تېخنىكا كۈچلۈك دۆلىتى قۇرۇپ چىقىش ئۇلۇغۋار نىشانىغا قاراپ جاسارەت بىلەن ئالغا ئىلگىرىلەش كېرەك» ناملىق مۇھىم ماقالىسى ئېلان قىلىنىدۇ.

ماقالىدە مۇنداق تەكىتلەندى: پەن - تېخنىكا گۈللەنسە مىللەت گۈللىنىدۇ، پەن - تېخنىكا كۈچەيسە دۆلەت قۇدرەت تاپىدۇ. پارتىيە 18 - قۇرۇلتىيىدىن بۇيان، پارتىيە مەركىزىي كومىتېتى يېڭىلىق يارىتىش ئارقىلىق تەرەققىياتقا تۈرتكە بولۇش ئىستراتېگىيەسىنى يولغا قويۇشقا چوڭقۇر تۈرتكە بولۇپ، يېڭىلىق يارىتىشچان دۆلەت قۇرۇشنى تېزلىتىش ئىستراتېگىيەلىك ۋەزىپىسىنى ئوتتۇرىغا قويۇپ، 2035 - يىلى پەن - تېخنىكا كۈچلۈك دۆلىتى قۇرۇپ چىقىش كۈرەش نىشانىنى بېكىتىپ، پەن - تېخنىكا تۈزۈلمە ئىسلاھاتىنى ئۈزلۈكسىز چوڭقۇرلاشتۇرۇپ، پەن - تېخنىكا خادىملىرىنىڭ ئاكتىپلىقى، تەشەببۇسكارلىقى، ئىجادچانلىقىنى تولۇق قوزغىتىپ، پەن - تېخنىكىدا ئۆزىگە تايىنىش، ئۆزىنى قۇدرەت تاپتۇرۇشنى كۈچلۈك ئالغا سىلجىتتى، دۆلىتىمىزنىڭ پەن - تېخنىكا ئىشلىرىدا تارىخىي مۇۋەپپەقىيەتلەرنى قولغا كەلتۈردى، تارىخىي ئۆزگىرىش ھاسىل قىلدى.

ماقالىدە مۇنداق كۆرسىتىلدى: يېڭى دەۋر پەن - تېخنىكا ئىشلىرىنىڭ تەرەققىيات ئەمەلىيىتىدە، بىز قانۇنىيەتلىك تونۇشنى ئۈزلۈكسىز چوڭقۇرلاشتۇرۇپ، نۇرغۇن مۇھىم تەجرىبە توپلىدۇق. بۇلار ئاساسلىقى: پارتىيەنىڭ ئومۇميۈزلۈك رەھبەرلىكىدە چىڭ تۇرۇش، جۇڭگوچە ئۆز ئالدىغا يېڭىلىق يارىتىش يولىدا مېڭىشتا چىڭ تۇرۇش، يېڭىلىق يارىتىش ئارقىلىق تەرەققىياتقا يېتەكچىلىك قىلىشتا چىڭ تۇرۇش، «تۆتكە يۈزلىنىش»تىن ئىبارەت ئىستراتېگىيەلىك يېتەكچىلىكتە چىڭ تۇرۇش، ئىسلاھاتنى چوڭقۇرلاشتۇرۇش ئارقىلىق يېڭىلىق يارىتىش ھاياتىي كۈچىنى ئۇرغۇتۇشتا چىڭ تۇرۇش، مائارىپ، پەن - تېخنىكا ئىختىساسلىقلىرىنىڭ ياخشى سۈپەتلىك ئايلىنىشىغا تۈرتكە بولۇشتا چىڭ تۇرۇش، يېڭىلىق يارىتىش مەدەنىيىتىنى يېتىلدۈرۈشتە چىڭ تۇرۇش، پەن - تېخنىكىدا ئوچۇق ھەمكارلىشىش ئارقىلىق ئىنسانىيەتكە بەخت يارىتىشتا چىڭ تۇرۇش. بۇ تەجرىبىلەر ناھايىتى قىممەتلىك، جەزمەن ئۇزاققىچە چىڭ تۇرۇش ھەم ئەمەلىيەت داۋامىدا ئۈزلۈكسىز بېيىتىش ۋە راۋاجلاندۇرۇش كېرەك.

ماقالىدە مۇنداق كۆرسىتىلدى: جۇڭگوچە زامانىۋىلاشتۇرۇشتا پەن - تېخنىكىنى زامانىۋىلاشتۇرۇشنى تىرەك قىلىشقا تايىنىش كېرەك، يۇقىرى سۈپەتلىك تەرەققىياتنى ئىشقا ئاشۇرۇشتا پەن - تېخنىكىدا يېڭىلىق يارىتىپ يېڭى قۇۋۋەت يېتىلدۈرۈشكە تايىنىش كېرەك. جەزمەن پەن - تېخنىكىنىڭ ئىستراتېگىيەلىك باشلامچىلىق ئورنى ۋە تۈپ تىرەكلىك رولىنى تولۇق تونۇپ، 2035 - يىلى پەن - تېخنىكا كۈچلۈك دۆلىتى قۇرۇپ چىقىش ئىستراتېگىيەلىك نىشانىنى چىڭ كۆزلەپ، يۇقىرى قاتلامدىن لايىھەلەش ۋە بىرتۇتاش پىلانلاشنى كۈچەيتىپ، يۇقىرى سەۋىيەلىك پەن - تېخنىكىدا ئۆزىگە تايىنىش، ئۆزىنى قۇدرەت تاپتۇرۇشنى ئىشقا ئاشۇرۇشنى تېزلىتىش كېرەك. بىز قۇرۇپ چىقىدىغان پەن - تېخنىكا كۈچلۈك دۆلىتى تۆۋەندىكى ئاساسىي ئامىللارنى ھازىرلىشى شەرت: بىرىنچى، كۈچلۈك ئۇل تەتقىقات ۋە دەسلەپكى يېڭىلىق يارىتىش ئىقتىدارىنى ھازىرلاپ، مۇھىم ئىجادىي خاراكتېرلىك، ئاغدۇرما خاراكتېرلىك پەن - تېخنىكا نەتىجىلىرىنى سىجىل بارلىققا كەلتۈرۈش. ئىككىنچى، كۈچلۈك ئاچقۇچلۇق، يادرولۇق تېخنىكىلاردا ئۆتكەلگە ھۇجۇم قىلىش ئىقتىدارىنى ھازىرلاپ، يۇقىرى سۈپەتلىك تەرەققىيات بىلەن يۇقىرى سەۋىيەلىك بىخەتەرلىككە كۈچلۈك تىرەك بولۇش. ئۈچىنچى، كۈچلۈك خەلقئارا تەسىر كۈچى ۋە يېتەكلەش كۈچىنى ھازىرلاپ، دۇنيادىكى مۇھىم ئىلىم - پەن مەركىزى ۋە يېڭىلىق يارىتىش ئېگىزلىكىگە ئايلىنىش. تۆتىنچى، كۈچلۈك يۇقىرى سەۋىيەلىك پەن - تېخنىكا ئىختىساسلىقلىرىنى يېتىشتۈرۈش ۋە توپلاش ئىقتىدارىنى ھازىرلاپ، خەلقئارادىكى ئىلغار پەن - تېخنىكا ئىختىساسلىقلىرى قوشۇنى ۋە دۆلەت ئىستراتېگىيەلىك پەن - تېخنىكا كۈچىنى ئۈزلۈكسىز زورايتىش. بەشىنچى، كۈچلۈك پەن - تېخنىكىنى ئىدارە قىلىش سىستېمىسى ۋە ئىدارە قىلىش ئىقتىدارىنى ھازىرلاپ، دۇنيادا بىرىنچى قاتاردا تۇرىدىغان يېڭىلىق يارىتىش ئېكولوگىيەسى ۋە پەن تەتقىقات مۇھىتىنى شەكىللەندۈرۈش.

ماقالىدە مۇنداق كۆرسىتىلدى: «بىر ئىشقا ئۇزاق يىل ئەجىر قىلىش»تەك قەتئىي ئىرادە ۋە قەيسەر جاسارەت بىلەن، پەيتنى قولدىن بەرمەي، باش چۆكۈرۈپ جاپاغا چىداپ ئىشلەپ، قەدەمدە بىر ئىز قالدۇرۇپ پەن - تېخنىكا كۈچلۈك دۆلىتى قۇرۇپ چىقىش ئىستراتېگىيەلىك نىشانىنى رېئاللىققا ئايلاندۇرۇش كېرەك. بىرىنچى، يېڭىچە پۈتۈن دۆلەت كۈچىنى ئىشقا سېلىش تۈزۈلمىسىنىڭ ئەۋزەللىكىنى تولۇق جارى قىلدۇرۇپ، يۇقىرى سەۋىيەلىك پەن - تېخنىكىدا ئۆزىگە تايىنىش، ئۆزىنى قۇدرەت تاپتۇرۇشنى تېز ئالغا سىلجىتىش كېرەك. پارتىيە مەركىزىي كومىتېتى پەن - تېخنىكا خىزمىتىگە مەركەزلىك بىرتۇتاش رەھبەرلىك قىلىش تۈزۈلمىسىنى مۇكەممەللەشتۈرۈپ، بازارنىڭ پەن - تېخنىكا بايلىقىنى تەقسىملەشتىكى ھەل قىلغۇچ رولىنى تولۇق جارى قىلدۇرۇپ، ھۆكۈمەتنىڭ ھەرقايسى جەھەتتىكى رولىنى تېخىمۇ ياخشى جارى قىلدۇرۇپ، دۆلەتنىڭ ئىستراتېگىيەلىك پەن - تېخنىكا كۈچى قۇرۇلۇشىنى كۈچەيتىپ، ئۇل تەتقىقاتنىڭ تەشكىللىك بولۇش دەرىجىسىنى ئۆستۈرۈش كېرەك. ئىككىنچى، پەن - تېخنىكىدا يېڭىلىق يارىتىش بىلەن كەسىپتە يېڭىلىق يارىتىشنىڭ چوڭقۇر يۇغۇرۇلۇشىغا پۇختا تۈرتكە بولۇپ، يېڭى سۈپەتلىك ئىشلەپچىقىرىش كۈچلىرىنى راۋاجلاندۇرۇشقا كۈچ قوشۇش كېرەك. يۇغۇرۇلۇشنىڭ ئاساسى − يۇقىرى سۈپەتلىك پەن - تېخنىكا تەمىناتىنى كۆپەيتىش، يۇغۇرۇلۇشنىڭ ئاچقۇچى − كارخانىلارنىڭ پەن - تېخنىكىدا يېڭىلىق يارىتىشتىكى ئاساسىي گەۋدىلىك ئورنىنى كۈچەيتىش، يۇغۇرۇلۇشنىڭ يولى − پەن - تېخنىكا نەتىجىلىرىنى ئايلاندۇرۇپ قوللىنىشنى ئىلگىرى سۈرۈش. ئۈچىنچى، پەن - تېخنىكا تۈزۈلمە - مېخانىزمى ئىسلاھاتىنى ئومۇميۈزلۈك چوڭقۇرلاشتۇرۇپ، يېڭىلىق يارىتىش، ئىجاد قىلىش ھاياتىي كۈچىنى تولۇق قوزغىتىش كېرەك. پەن - تېخنىكا باشقۇرۇش تۈزۈلمە ئىسلاھاتىنى چوڭقۇرلاشتۇرۇپ، تۈرلۈك يېڭىلىق يارىتىش سۇپىسى قۇرۇلۇشىنى بىرتۇتاش پىلانلاپ، يېڭىلىق يارىتىش بايلىقىنى بىرتۇتاش پىلانلاش ۋە كۈچ تەشكىللەشنى كۈچەيتىش كېرەك. رايون پەن - تېخنىكىدا يېڭىلىق يارىتىش ئورۇنلاشتۇرۇشىنى مۇكەممەللەشتۈرۈپ، پەن - تېخنىكا پىلانىنى باشقۇرۇشنى ياخشىلاپ، پەن تەتقىقات پائالىيىتىنىڭ قانۇنىيىتىگە ئۇيغۇن كېلىدىغان تۈرگە ئايرىپ باھالاش سىستېمىسى ۋە باھالاش مېخانىزمىنى تاكامۇللاشتۇرۇشنى تېزلىتىپ، پەن - تېخنىكا مۇكاپاتى، كىرىم تەقسىماتى، نەتىجىگە ھوقۇق بېرىش قاتارلىق رىغبەتلەندۈرۈش تۈزۈمىنى مۇكەممەللەشتۈرۈش كېرەك. تۆتىنچى، مائارىپ، پەن - تېخنىكا، ئىختىساسلىقلار ئىشلىرىنىڭ تەرەققىياتىنى بىر گەۋدىلەشتۈرۈپ ئالغا سىلجىتىپ، ئىختىساسلىقلار رىقابەت ئەۋزەللىكىنى بەرپا قىلىش كېرەك. مائارىپ، پەن - تېخنىكا، ئىختىساسلىقلار تۈزۈلمە - مېخانىزمىنى بىر گەۋدىلەشتۈرۈش ئىسلاھاتىنى چوڭقۇرلاشتۇرۇپ، كۆلىمى زور، قۇرۇلمىسى مۇۋاپىق، ساپاسى ياخشى بولغان يېڭىلىق يارىتىش تىپىدىكى ئىختىساسلىقلار قوشۇنىنى تېز تەربىيەلەپ يېتىشتۈرۈش كېرەك. پەن - تېخنىكىدا يېڭىلىق يارىتىش ئېھتىياجىنى يېتەكچى قىلىشتا چىڭ تۇرۇپ، دۆلەتنىڭ ئىستراتېگىيەلىك ئىختىساسلىقلار كۈچىنى تېز بەرپا قىلىشنى ئەڭ مۇھىم ئورۇنغا قويۇپ، ياش پەن - تېخنىكا ئىختىساسلىقلىرىنى يېتىشتۈرۈشنى گەۋدىلىك كۈچەيتىش كېرەك. بەشىنچى، ئىنسانىيەت تەقدىرى ئورتاق گەۋدىسى بەرپا قىلىش ئىدىيەسىنى چوڭقۇر ئەمەلدە كۆرسىتىپ، پەن - تېخنىكىدا ئوچۇق ھەمكارلىشىشقا تۈرتكە بولۇش كېرەك. خەلقئارا پەن - تېخنىكا ھەمكارلىقى تەشەببۇسىنى چوڭقۇر ئەمەلدە كۆرسىتىپ، يەرشارىۋى يېڭىلىق يارىتىش تورىغا پائال سىڭىشىپ، كىلىمات ئۆزگىرىشى، ئاشلىق بىخەتەرلىكى، ئېنېرگىيە بىخەتەرلىكى قاتارلىق جەھەتلەردىكى يەرشارىۋى خىرىسقا ئورتاق تاقابىل تۇرۇپ، پەن - تېخنىكا ئارقىلىق ئىنسانىيەتكە تېخىمۇ ياخشى بەخت يارىتىش كېرەك.

ماقالىدە مۇنداق كۆرسىتىلدى: پەن - تېخنىكا كۈچلۈك دۆلىتى قۇرۇش پۈتۈن پارتىيە، پۈتۈن مەملىكەتنىڭ ئورتاق مەسئۇلىيىتى. ئۇلۇغۋار غايە، جەسۇرانە ئىرادە تىكلەپ، تولۇق غەيرەتكە كېلىپ، جاسارەت بىلەن تىرىشىپ ئىشلەپ، ئىتتىپاقلىشىپ كۈرەش قىلىپ، پەن - تېخنىكا كۈچلۈك دۆلىتى قۇرۇپ چىقىش ئۇلۇغۋار نىشانىغا قاراپ جاسارەت بىلەن ئالغا ئىلگىرىلەش كېرەك!