■ پارتىيەنىڭ ئېكولوگىيە - مۇھىتنى قوغداشنى نازارەت قىلىش خىزمىتىگە بولغان رەھبەرلىكىدە چىڭ تۇرۇپ ۋە ئۇنى كۈچەيتىپ، نازارەت قىلىشنىڭ ئۆتكۈر شەمشەرلىك رولىنى داۋاملىق جارى قىلدۇرۇپ، ھەرقايسى جايلار، ھەرقايسى تارماقلارنىڭ گۈزەل جۇڭگو قۇرۇلۇشىنى ياخشى تۇتۇشتىكى سىياسىي مەسئۇلىيىتىنى يەنىمۇ چىڭىتىش كېرەك. مەسئۇلىيەت تۈزۈمىدىن ئىبارەت بۇ «ھالقىلىق تۇتقا»نى چىڭ تۇتۇپ، ئومۇمىيەت ئېڭىنى كۈچەيتىپ، قاتتىق بولۇش ئاساسىي رىتىمىنى ساقلاپ، دادىللىق بىلەن ھەقىقىي قول سېلىپ، قىيىنىغا تېگىش قىلىپ، سىجىل تۈردە مەسىلىلەرنى بايقاپ، مەسىلىلەرنى ئەستايىدىل ھەل قىلىپ، پارتىيە مەركىزىي كومىتېتىنىڭ ئېكولوگىيە مەدەنىيلىكى قۇرۇلۇشىغا دائىر تەدبىر - ئورۇنلاشتۇرمىلىرىنى ئىجرا قىلىش كۈچىنى ئاشۇرۇش كېرەك. نازارەت قىلىش قوشۇنى قۇرۇلۇشىنى كۈچەيتىپ، قېلىپلاشتۇرۇپ باشقۇرۇشنى كۈچەيتىپ، ئىستىل، ئىنتىزامنى چىڭىتىش كېرەك.
■ 2025 - يىلى كۆزىتىش بىلەن تولۇق قاپلاش ئالغا سىلجىتىلىدىغان ئاچقۇچلۇق بىر يىل، شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە 20 - قۇرۇلتىيى ۋە 20 - نۆۋەتلىك مەركىزىي كومىتېتى 2 -، 3 - ئومۇمىي يىغىنىنىڭ روھىنى ئومۇميۈزلۈك ئىزچىللاشتۇرۇپ، ئەمەلىيلەشتۈرۈپ، كۆزىتىش خىزمىتىنىڭ يۇقىرى سۈپەتلىك تەرەققىياتىغا سىجىل تۈرتكە بولۇش كېرەك. مەركىزىي خىزمەتنى چۆرىدەش، ئومۇمىيەتكە مۇلازىمەت قىلىشتا چىڭ تۇرۇپ، سىياسىي كۆزىتىشنى چوڭقۇرلاشتۇرۇپ، پارتىيە مەركىزىي كومىتېتىنىڭ تۈرلۈك تەدبىر - ئورۇنلاشتۇرمىلىرىنىڭ ئەمەلىيلىشىش ئەھۋالىنى نازارەتنىڭ مۇھىم نۇقتىسى قىلىپ، جۇڭگوچە زامانىۋىلاشتۇرۇشنى ئالغا سىلجىتىشنى كۈچلۈك كاپالەت بىلەن تەمىنلەش كېرەك. مەسىلە يۆنىلىشى، قاتتىق بولۇش ئاساسىي رىتىمىدا چىڭ تۇرۇپ، نۇقتىلىق مەسىلە، نۇقتىلىق ساھە، نۇقتىلىق ئوبيېكتلارغا چىڭ قادىلىپ، «بىرىنچى باشلىق» ۋە رەھبەرلىك بەنزىسىگە بولغان نازارەتچىلىكنى كۈچەيتىش كېرەك. سىستېمىلىق قاراشتا چىڭ تۇرۇپ، ئۇنىۋېرسال نازارەتچىلىك رولىنى جارى قىلدۇرۇپ، كۆزىتىش بىلەن باشقا نازارەتچىلىكنى تۇتاشتۇرۇش - ماسلاشتۇرۇشنى كۈچەيتىپ، خىزمەت بىرىكمە كۈچىنى شەكىللەندۈرۈش كېرەك. ھەقىقەتنى ئەمەلىيەتتىن ئىزدەش، بەلگىلىمە، ئىنتىزام، قانۇن بويىچە ئىش كۆرۈشتە چىڭ تۇرۇپ، سىياسەتنى دەل جايىدا ئىگىلەپ، مەسىلىلەرنى ئەينەن ئىنكاس قىلىپ، ئىنتىزام ئېڭى ۋە قانۇنچىللىق ئېڭىنى كۈچەيتىپ، ئىچكى قىسىمدىكى باشقۇرۇش ۋە نازارەتچىلىكنى چىڭىتىش كېرەك.
شىنخۇا ئاگېنتلىقى، بېيجىڭ، 3 - ئاينىڭ 31 - كۈنى تېلېگراممىسى جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى 3 - ئاينىڭ 31 - كۈنى يىغىن ئاچتى، يىغىندا «ئېكولوگىيە - مۇھىتنى قوغداشنى نازارەت قىلىش خىزمىتى نىزامى» «20 - نۆۋەتلىك مەركىزىي كومىتېتنىڭ 4 - نۆۋەتلىك كۆزىتىش ئەھۋالى توغرىسىدىكى ئۇنىۋېرسال دوكلات» قاراپ چىقىلدى. جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى شى جىنپىڭ يىغىنغا رىياسەتچىلىك قىلدى.
يىغىندا مۇنداق كۆرسىتىلدى: مەركەزنىڭ ئېكولوگىيە - مۇھىتنى قوغداشنى نازارەت قىلىشى پارتىيە مەركىزىي كومىتېتىنىڭ ئېكولوگىيە مەدەنىيلىكى قۇرۇلۇشىنى ئالغا سىلجىتىشتىكى بىر تۈرلۈك مۇھىم تەدبىرى بولۇپ، ھەر دەرىجىلىك رەھبىرىي كادىرلارنىڭ ئېكولوگىيە - مۇھىتنى قوغداشتىكى سىياسىي مەسئۇلىيىتىنى چىڭىتىشتىن باشلاپ تۇتۇش قىلىپ، ئېكولوگىيە - مۇھىتقا بۇزغۇنچىلىق قىلىدىغان بىر تۈركۈم چوڭ - چوڭ تىپىك دېلولارنى قاتتىق تەكشۈرۈپ بىر تەرەپ قىلىپ، خەلق ئاممىسىنىڭ ئىنكاسى كۈچلۈك بولغان بىر تۈركۈم گەۋدىلىك مۇھىت مەسىلىلىرىنى ھەل قىلىشقا تۈرتكە بولۇپ، ياخشى ئۈنۈمنى قولغا كەلتۈرۈش كېرەك.
يىغىندا مۇنداق تەكىتلەندى: پارتىيەنىڭ ئېكولوگىيە - مۇھىتنى قوغداشنى نازارەت قىلىش خىزمىتىگە بولغان رەھبەرلىكىدە چىڭ تۇرۇپ ۋە ئۇنى كۈچەيتىپ، نازارەت قىلىشنىڭ ئۆتكۈر شەمشەرلىك رولىنى داۋاملىق جارى قىلدۇرۇپ، ھەرقايسى جايلار، ھەرقايسى تارماقلارنىڭ گۈزەل جۇڭگو قۇرۇلۇشىنى ياخشى تۇتۇشتىكى سىياسىي مەسئۇلىيىتىنى يەنىمۇ چىڭىتىش كېرەك. مەسئۇلىيەت تۈزۈمىدىن ئىبارەت بۇ «ھالقىلىق تۇتقا»نى چىڭ تۇتۇپ، ئومۇمىيەت ئېڭىنى كۈچەيتىپ، قاتتىق بولۇش ئاساسىي رىتىمىنى ساقلاپ، دادىللىق بىلەن ھەقىقىي قول سېلىپ، قىيىنىغا تېگىش قىلىپ، سىجىل تۈردە مەسىلىلەرنى بايقاپ، مەسىلىلەرنى ئەستايىدىل ھەل قىلىپ، پارتىيە مەركىزىي كومىتېتىنىڭ ئېكولوگىيە مەدەنىيلىكى قۇرۇلۇشىغا دائىر تەدبىر - ئورۇنلاشتۇرمىلىرىنى ئىجرا قىلىش كۈچىنى ئاشۇرۇش كېرەك. نازارەت قىلىش قوشۇنى قۇرۇلۇشىنى كۈچەيتىپ، قېلىپلاشتۇرۇپ باشقۇرۇشنى كۈچەيتىپ، ئىستىل، ئىنتىزامنى چىڭىتىش كېرەك.
يىغىندا مۇنداق كۆرسىتىلدى: مەركىزىي كومىتېت كۆزىتىش گۇرۇپپىلىرى مەركەز ۋە دۆلەت ئورگانلىرىدىكى قىسمەن ئورۇنلاردا كۆزىتىشنى قانات يايدۇرۇپ، بەزى مەسىلىلەرنى بايقىدى، تۈزىتىشنى كەسكىن، ئەستايىدىل ياخشى تۇتۇش كېرەك. سىياسىي يۈكسەكلىكنى ئۆستۈرۈپ، پارتىيە مەركىزىي كومىتېتى يۈكلىگەن مەسئۇلىيەت، بۇرچنى پۇختا ئادا قىلىپ، ئەمەلىي ھەرىكەت ئارقىلىق «ئىككىنى قوغداش»نى ئىشقا ئاشۇرۇش كېرەك. سىياسىي مەسئۇلىيەتچانلىقنى كۈچەيتىپ، توغرىلىرىنى ساقلاپ يېڭىلىق يارىتىشتا چىڭ تۇرۇپ، يۇقىرى قاتلامدىن لايىھەلەش، ئومۇمىي جەھەتتىن پىلانلاشنى كۈچەيتىپ، تۈرلۈك ئىسلاھات ۋەزىپىلىرىنىڭ ئەمەلىيلىشىشىنى قەتئىي ئالغا سىلجىتىش كېرەك. رەھبەرلىك بەنزىسى قۇرۇلۇشىنى كۈچەيتىپ، قالايمىقان ئىش قىلىش، قىلىدىغاننى قىلماسلىق، ئىش قىلىشقا جۈرئەت قىلالماسلىق، ئىشنى ياخشى قىلالماسلىق مەسىلىلىرىنى كۈچەپ ھەل قىلىپ، رەھبىرىي كادىرلارنىڭ ئىقتىدارلىقلىرىنى ئۆستۈرۈش، ئىقتىدارسىزلىرىنى قالدۇرۇشنىڭ دائىملىشىشىنى ئالغا سىلجىتىش كېرەك. پارتىيەنى باشقۇرۇش، پارتىيەنى ئىدارە قىلىشتىكى سىياسىي مەسئۇلىيەتنى ئەستايىدىل ئادا قىلىپ، يۇقىرى ئۆلچەم، قاتتىق تەلەپتە چىڭ تۇرۇپ، ئىستىلنى توغرىلاش، ئىنتىزامنى چىڭىتىشنى ۋە چىرىكلىككە قارشى تۇرۇشنى ئۇزاققىچە داۋاملاشتۇرۇپ، ئىستىل دۇرۇس، كەيپىيات توغرا بولغان سىياسىي ئورگان بەرپا قىلىش كېرەك.
يىغىندا مۇنداق تەكىتلەندى: 2025 - يىلى كۆزىتىش بىلەن تولۇق قاپلاش ئالغا سىلجىتىلىدىغان ئاچقۇچلۇق بىر يىل، شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە 20 - قۇرۇلتىيى ۋە 20 - نۆۋەتلىك مەركىزىي كومىتېتى 2 -، 3 - ئومۇمىي يىغىنىنىڭ روھىنى ئومۇميۈزلۈك ئىزچىللاشتۇرۇپ، ئەمەلىيلەشتۈرۈپ، كۆزىتىش خىزمىتىنىڭ يۇقىرى سۈپەتلىك تەرەققىياتىغا سىجىل تۈرتكە بولۇش كېرەك. مەركىزىي خىزمەتنى چۆرىدەش، ئومۇمىيەتكە مۇلازىمەت قىلىشتا چىڭ تۇرۇپ، سىياسىي كۆزىتىشنى چوڭقۇرلاشتۇرۇپ، پارتىيە مەركىزىي كومىتېتىنىڭ تۈرلۈك تەدبىر - ئورۇنلاشتۇرمىلىرىنىڭ ئەمەلىيلىشىش ئەھۋالىنى نازارەتنىڭ مۇھىم نۇقتىسى قىلىپ، جۇڭگوچە زامانىۋىلاشتۇرۇشنى ئالغا سىلجىتىشنى كۈچلۈك كاپالەت بىلەن تەمىنلەش كېرەك. مەسىلە يۆنىلىشى، قاتتىق بولۇش ئاساسىي رىتىمىدا چىڭ تۇرۇپ، نۇقتىلىق مەسىلە، نۇقتىلىق ساھە، نۇقتىلىق ئوبيېكتلارغا چىڭ قادىلىپ، «بىرىنچى باشلىق» ۋە رەھبەرلىك بەنزىسىگە بولغان نازارەتچىلىكنى كۈچەيتىش كېرەك. سىستېمىلىق قاراشتا چىڭ تۇرۇپ، ئۇنىۋېرسال نازارەتچىلىك رولىنى جارى قىلدۇرۇپ، كۆزىتىش بىلەن باشقا نازارەتچىلىكنى تۇتاشتۇرۇش - ماسلاشتۇرۇشنى كۈچەيتىپ، خىزمەت بىرىكمە كۈچىنى شەكىللەندۈرۈش كېرەك. ھەقىقەتنى ئەمەلىيەتتىن ئىزدەش، بەلگىلىمە، ئىنتىزام، قانۇن بويىچە ئىش كۆرۈشتە چىڭ تۇرۇپ، سىياسەتنى دەل جايىدا ئىگىلەپ، مەسىلىلەرنى ئەينەن ئىنكاس قىلىپ، ئىنتىزام ئېڭى ۋە قانۇنچىللىق ئېڭىنى كۈچەيتىپ، ئىچكى قىسىمدىكى باشقۇرۇش ۋە نازارەتچىلىكنى چىڭىتىش كېرەك.
يىغىندا يەنە باشقا ئىشلار مۇھاكىمە قىلىندى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
