خەن جېڭ ئەنگلىيە لوندون پۇل مۇئامىلە شەھەرچىسىنىڭ باشلىقى جىن يىۋېي بىلەن كۆرۈشتى

3-ئاينىڭ 18-كۈنى، دۆلەتنىڭ مۇئاۋىن رەئىسى خەن جېڭ بېيجىڭدا ئەنگلىيە لوندون پۇل مۇئامىلە شەھەرچىسىنىڭ باشلىقى جىن يىۋېي بىلەن كۆرۈشتى.

خەن جېڭ مۇنداق بىلدۈردى: لوندون پۇل مۇئامىلە شەھەرچىسى دۇنياغا داڭلىق پۇل مۇئامىلە مەركىزى بولۇپ، جۇڭگو-ئەنگلىيەنىڭ پۇل مۇئامىلە، ئىقتىساد-سودا ساھەسىدىكى ھەمكارلىقىنى ئىلگىرى سۈرۈشكە پائال تۆھپە قوشتى. جۇڭگو بىلەن ئەنگلىيە ئوخشاشلا دۇنيادىكى ئاساسلىق ئىقتىسادىي گەۋدە بولۇپ، ھەمكارلىقتا بىر-بىرىنى تولۇقلاشچانلىقى كۈچلۈك، ئىستىقبالى پارلاق. دۇنيادا قانداق ئۆزگىرىش بولۇشىدىن قەتئىينەزەر، جۇڭگونىڭ ئىچكى-تاشقى سىياسىتى ئىزچىللىقنى ساقلايدۇ. جۇڭگو تەرەپ ئەنگلىيە تەرەپ بىلەن ئىستراتېگىيەلىك ھەمراھلىق ئورنىدا چىڭ تۇرۇپ، ئالاقە ۋە ھەمكارلىقنى كۈچەيتىپ، دۇنيانىڭ كۆپ قۇتۇپلىشىشى، ئىقتىسادنىڭ دۇنياۋىلىشىشىنى ئىلگىرى سۈرۈپ، ئىككى دۆلەت رەھبەرلىرى ھاسىل قىلغان مۇھىم ئورتاق تونۇشنى ياخشى ئەمەلىيلەشتۈرۈپ، جۇڭگو-ئەنگلىيە ھەمكارلىق نەتىجىلىرى ئارقىلىق ئىككى دۆلەت ۋە دۇنياغا تېخىمۇ ياخشى نەپ يەتكۈزۈشنى خالايدۇ.

جىن يىۋېي مۇنداق بىلدۈردى: ئەنگلىيە بىلەن جۇڭگونىڭ يېشىل ئىقتىساد، ئىمكانىيەتلىك سىجىل پۇل مۇئامىلە، ھاسىلىي ئېنېرگىيە ساھەسىدىكى ھەمكارلىق ئىستىقبالى غايەت زور. لوندون پۇل مۇئامىلە شەھەرچىسى تېخىمۇ كۆپ جۇڭگو مەبلىغى كارخانىلىرىنىڭ لوندونغا كېلىپ تەرەققىي قىلىپ كەسىپلەرنى گۈللەندۈرۈشىنى قارشى ئالىدۇ، پۈتۈن كۈچى بىلەن مەدەت بېرىش ۋە قولايلىق يارىتىپ بېرىشنى خالايدۇ.