جۇڭگو ھۆكۈمەت تەرەپ 3-ئاينىڭ 13-كۈنى تيەنجىن شەھەرلىك پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ باشلىقى جوۋ دېرۇينىڭ ئىنتىزامغا، قانۇنغا ئېغىر خىلاپلىق قىلىشقا چېتىلغانلىقى، نۆۋەتتە مەركىزىي ئىنتىزام تەكشۈرۈش كومىتېتى، دۆلەت رېۋىزىيە كومىتېتى تەرىپىدىن ئىنتىزام ۋە رېۋىزىيە جەھەتتىن تەكشۈرۈلۈۋاتقانلىقىنى ئومۇمىي ئۇقتۇرۇش قىلدى.
ئاشكارا ماتېرىياللاردا كۆرسىتىلىشىچە، جوۋ دېرۇي 1966-يىل 2-ئايدا تۇغۇلغان، خۇنەن چىدۇڭدىن، ئۇ ئىلگىرى ئۇزاق مەزگىل خۇنەندە خىزمەت قىلغان، خۇنەن ئۆلكىسى يۇڭجوۋ شەھەرلىك پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ باشلىقى، چاڭدې شەھەرلىك پارتىيە كومىتېتىنىڭ شۇجىسى، شەھەرلىك خەلق قۇرۇلتىيى دائىمىي كومىتېتىنىڭ مۇدىرى قاتارلىق ۋەزىپىلەرنى ئۆتىگەن. 2021-يىلى جوۋ دېرۇي تيەنجىنگە بېرىپ خىزمەت قىلىپ، تيەنجىن شەھىرىنىڭ مۇئاۋىن شەھەر باشلىقى، پارتىيە گۇرۇپپىسىنىڭ ئەزاسى بولغان، 2022-يىل 6-ئايدا تيەنجىن شەھەرلىك پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ باشلىقى بولغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
