3-ئاينىڭ 13-كۈنى، دىپلوماتىيە مىنىستىرلىقىنىڭ باياناتچىسى ماۋ نىڭ قەرەللىك مۇخبىرلارنى كۈتۈۋېلىش يىغىنىغا رىياسەتچىلىك قىلدى.
گېرمانىيە ئاخبارات ئاگېنتلىقى مۇخبىرى يېڭى تىپتىكى تاجسىمان ۋىرۇسنىڭ مەنبەسىنى سۈرۈشتۈرۈش مەسىلىسى توغرىسىدا سوئال سورىدى.
ماۋ نىڭ مۇنداق بىلدۈردى: بۇ مەسىلىدە بىز جۇڭگو تەرەپنىڭ مەيدانىنى كۆپ قېتىم بايان قىلدۇق. بىزنىڭ قارىشىمىزچە، يېڭى تىپتىكى تاجسىمان ۋىرۇسنىڭ مەنبەسىنى سۈرۈشتۈرۈش بىر ئىلمىي مەسىلە بولۇپ، ئۇنىڭغا ئالىملار ھۆكۈم چىقىرىشى كېرەك. بۇ مەسىلىگە مۇئامىلە قىلىشتا ئىلمىي روھتا چىڭ تۇرۇش كېرەك.
ئۇ مۇنۇلارنى تەكىتلىدى: «تەجرىبىخانىدىن چىقىپ كېتىش مۇمكىن ئەمەس» دېگەن ھۆكۈم جۇڭگو-دۇنيا سەھىيە تەشكىلاتى بىرلەشمە مۇتەخەسسىسلەر گۇرۇپپىسى ۋۇخەندىكى ئالاقىدار تەجرىبىخانىلارنى نەق مەيداندا تەكشۈرۈش ھەمدە ئالاقىدار پەن تەتقىقات خادىملىرى بىلەن چوڭقۇر پىكىر ئالماشتۇرۇش ئاساسىدا چىقارغان نوپۇزلۇق ئىلمىي يەكۈن بولۇپ، خەلقئارا جەمئىيەت ۋە ئىلىم-پەن ساھەسىنىڭ كەڭ ئېتىراپ قىلىشىغا ئېرىشتى. يېڭى تىپتىكى تاجسىمان ۋىرۇسنىڭ مەنبەسىنى سۈرۈشتۈرۈش مەسىلىسىدە، جۇڭگو تەرەپ ھەرقانداق شەكىلدىكى سىياسىي مەشغۇلاتقا قەتئىي قارشى تۇرىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
