جۇڭگو ئاپتوموبىل سانائىتى جەمئىيىتى ئېلان قىلغان ئەڭ يېڭى سانلىق مەلۇماتتا كۆرسىتىلىشىچە: يېڭى بىر نۆۋەتلىك كونىنى يېڭىغا ئالماشتۇرۇش سىياسىتىنىڭ كۈچ قوشۇپ دائىرىنى كېڭەيتىشى ۋە بالدۇر ئەمەلىيلىشىشى، كارخانىلارنىڭ تېخنىكا دەرىجىسىنى ئۆستۈرۈشى ۋە مەھسۇلاتلارنى يېڭىلاپ ئېھتىياجىنى قوزغىتىشىنىڭ تەسىرىدە، بۇ يىلنىڭ ئالدىنقى ئىككى ئېيىدا ئايرىم-ئايرىم ھالدا 4 مىليون 553 مىڭ ئاپتوموبىل ۋە 4 مىليون 552 مىڭ ئاپتوموبىل ئىشلەپچىقىرىلىپ ۋە سېتىلىپ، بۇلتۇرقى ئوخشاش مەزگىلدىكىدىن ئايرىم-ئايرىم ھالدا％16.2 ۋە ％13.1 ئاشقان. ئاپتوموبىل كەسپىنىڭ ياخشى باشلىنىشى 1-پەسىلدە ئىشنى غەلىبىلىك باشلاشقا ئاساس سالدى.
1-ئايدىن 2-ئايغىچە، ئاپتوموبىلنىڭ سېتىلىشى داۋاملىق ياخشى بولۇپ، ئىشلەپچىقىرىش ۋە سېتىش مىقدارى ئايرىم-ئايرىم ھالدا 3 مىليون 936 مىڭ ۋە 3 مىليون 948 مىڭ بولۇپ، بۇلتۇرقى ئوخشاش مەزگىلدىكىدىن ئايرىم-ئايرىم ھالدا ％17.2 ۋە ％14.4 ئاشقان. سودىغا ئىشلىتىلىدىغان ئاپتوموبىل بازىرى سەل جانلىنىپ، ئىشلەپچىقىرىش ۋە سېتىش مىقدارى ئايرىم-ئايرىم ھالدا 617 مىڭ ۋە 604 مىڭ بولۇپ، بۇلتۇرقى ئوخشاش مەزگىلدىكىدىن ئايرىم-ئايرىم ھالدا ％10.2 ۋە ％5.1 ئاشقان. يېڭى ئېنېرگىيەلىك ئاپتوموبىللارنىڭ سېتىلىش مىقدارى كۆرۈنەرلىك بولۇپ، ئىشلەپچىقىرىش ۋە سېتىش مىقدارى داۋاملىق تېز سۈرئەتتە ئېشىپ، ئايرىم-ئايرىم ھالدا 1 مىليون 903 مىڭ ۋە 1 مىليون 835 مىڭ سېتىلىپ، بۇلتۇرقى ئوخشاش مەزگىلدىكىدىن بىردەك ％52 ئاشقان، يېڭى ئېنېرگىيەلىك يېڭى ئاپتوموبىللارنىڭ سېتىلىش مىقدارى يېڭى ئاپتوموبىل ئومۇمىي سېتىلىش مىقدارىنىڭ ％40.3 ىگە يەتكەن. يېڭى ئېنېرگىيەلىك ئاپتوموبىل ئېكسپورتى داۋاملىق ئېشىپ، 1-ئايدىن 2-ئايغىچە 282 مىڭ ئاپتوموبىل ئېكسپورت قىلىنغان بولۇپ، بۇلتۇرقى ئوخشاش مەزگىلدىكىدىن ％54.5 ئاشقان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
