3-ئاينىڭ 10-كۈنى، ئەنخۇي ئۆلكىلىك ئىستاتىستىكا ئىدارىسى ئەنخۇي ئۆلكىسىنىڭ 2024-يىللىق نوپۇس ئۆزگىرىش ئەھۋالىنى ئارىلاپ تەكشۈرۈشتىكى ئاساسلىق سانلىق مەلۇمات ئاخباراتىنى ئېلان قىلدى.
ئاخباراتتا كۆرسىتىلىشىچە، 2024-يىلىنىڭ ئاخىرىدا، ئەنخۇي ئۆلكىسىنىڭ دائىمىي تۇرۇشلۇق نوپۇسى 61 مىليون 230 مىڭغا يېتىپ، ئالدىنقى يىلىدىكىدىن 20 مىڭ ئادەم كۆپىيىپ، %0.03 ئاشقان. ئاخباراتتا 16 شەھەرنىڭ دائىمىي تۇرۇشلۇق نوپۇسى ئېلان قىلىنغان، بۇنىڭ ئىچىدە خېفېي شەھىرىنىڭ دائىمىي تۇرۇشلۇق نوپۇسى 10 مىليون 2000غا يېتىپ، شەھەر-بازارلىشىش نىسبىتى ％86.38كە يەتكەن.
يۇقىرىقى خەۋەردە كۆرسىتىلىشىچە، ئەنخۇي ئۆلكىسى خېفېي شەھىرىنىڭ دائىمىي تۇرۇشلۇق نوپۇسى 10 مىليون كىشىلىك ئۆتكەلنى بۆسۈپ ئۆتكەن. خېفېي شۇنىڭدىن باشلاپ دۆلىتىمىزدىكى دائىمىي تۇرۇشلۇق نوپۇسى 10 مىليوندىن ئاشىدىغان 18-شەھەرگە ئايلانغان.
2024-يىلىنىڭ ئاخىرىغىچە، نوپۇسى 10 مىليوندىن ئاشقان 17 شەھەر ئايرىم-ئايرىم ھالدا: چۇڭچىڭ، شاڭخەي، بېيجىڭ، چېڭدۇ، گۇاڭجوۋ، شېنجېن، ۋۇخەن، تيەنجىن، شىئەن، سۇجوۋ، جېڭجوۋ، خاڭجوۋ، شىجياجۇاڭ، لىنيى، دۇڭگۇەن، چاڭشا، چىڭداۋ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
