بۇ يىللىق ھۆكۈمەت خىزمىتىدىن دوكلاتتا «بالا بېقىش ياردەم تولۇقلىمىسى تارقىتىش» ئايدىڭلاشتۇرۇلدى، نۆۋەتتە، دۆلەت سەھىيە-ساغلاملىق كومىتېتى ئالاقىدار تارماقلار بىلەن بىرلىكتە بالا بېقىش ياردەم تولۇقلىمىسى بېرىشنىڭ مەشغۇلات لايىھەسىنى تەييارلاۋاتىدۇ. بۇنىڭغا قارىتا، مەملىكەتلىك سىياسىي كېڭەش ئەزاسى، فۇدەن داشۆسى شاڭخەي تېببىي شۆيۈەنىنىڭ مۇئاۋىن باشلىقى جۇ تۇڭيۈ دۆلەت قاتلىمىدا تۇغۇتقا مەدەت بېرىش فوندى تەسىس قىلىپ، مالىيە جەھەتتىن قوللايدىغان، مەبلەغ مەنبەسى كۆپ خىل بالا بېقىش ياردەم تولۇقلىمىسى بېرىش تۈزۈمى ئۈستىدە ئىزدىنىش ھەمدە نۇقتىلىق رايون ۋە نۇقتىلىق كىشىلەر توپىغا مايىللاشتۇرۇش تەكلىپىنى بەردى. ئۇ مۇنداق قارىدى: ھازىر ھەرقايسى جايلاردا تارقىتىلغان ياردەم تولۇقلىمىسىنىڭ كۆپىنچىسى بىر قېتىملىق ياردەم تولۇقلىمىسى، ئۇنىڭ ئۈستىگە كۆپىنچىسى دىققەتنى ئىككى پەرزەنتلىك ۋە ئۈچ پەرزەنتلىك ئائىلىلەرگە مەركەزلەشتۈرگەن، تۇغۇتقا مەدەت بېرىش ياردەم تولۇقلىمىسى بىلەن قوللاش سالمىقىنى ئاشۇرۇپ، بىرىنچى سەپتىكى شەھەرلەر ۋە مالىيەسى كۈچلۈك، تۇغۇت نىسبىتى تۆۋەن رايونلاردا بىر پەرزەنتلىك ئائىلىلەرگە ياردەم تولۇقلىمىسى بېرىشنى باشلامچىلىق بىلەن نۇقتىدا سىناق قىلىش كېرەك. شۇنىڭ بىلەن بىللە، يەنە تۇغۇت يېشىدىكى ئاياللارنىڭ ئىشقا ئورۇنلىشىشىغا مايىللىشىش دەرىجىسى ۋە جەمئىيەت ھاۋالىلىك بېقىش مۇلازىمىتى بىلەن تەمىنلەشنى ئاشۇرۇپ، تۇغۇش، بېقىش، تەربىيەلەش تەننەرخىنى ئۈنۈملۈك تۆۋەنلىتىپ، پۈتكۈل جەمئىيەت تۇغۇتقا ھۆرمەت قىلىدىغان، تۇغۇتنى قوللايدىغان ياخشى كەيپىيات يارىتىش كېرەك.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
