3-ئاينىڭ 10-كۈنى، كۇچا شەھەرلىك پارتىيە كومىتېتى 2025-يىللىق 8-قېتىملىق دائىمىي كومىتېت (كېڭەيتىلگەن) يىغىنىنى ئاچتى. ئاقسۇ ۋىلايەتلىك پارتىيە كومىتېتىنىڭ مۇئاۋىن شۇجىسى، شەھەرلىك پارتىيە كومىتېتىنىڭ شۇجىسى لى چېنياڭ يىغىنغا رىياسەتچىلىك قىلدى ھەم سۆز قىلدى. يۇقىرىقى خەۋەردە كۆرسىتىلىشىچە، لى چېنياڭ كۇچا شەھەرلىك پارتىيە كومىتېتىنىڭ شۇجىلىقىنى قوشۇمچە ئۆتىگەن.
بۇنىڭدىن ئىلگىرى، ئاقسۇ ۋىلايەتلىك پارتىيە كومىتېتىنىڭ ئەزاسى، كۇچا شەھەرلىك پارتىيە كومىتېتىنىڭ شۇجىسى بولغان ۋاڭ لۇجۈن خوتەن ۋىلايەتلىك پارتىيە كومىتېتىنىڭ شۇجىلىقىغا تەيىنلەندى.
لى چېنياڭ، ئەر، خەنزۇ، 1982-يىل 7-ئايدا تۇغۇلغان، خېنەن مېڭجىندىن، 2002-يىل 4-ئايدا جۇڭگو كوممۇنىستىك پارتىيەسىگە كىرگەن، 2008-يىل 7-ئايدا خىزمەتكە قاتناشقان، بېيجىڭ قاتناش داشۆسىنىڭ ئىقتىسادشۇناسلىق دوكتورى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
