بۇ يىللىق ھۆكۈمەت خىزمىتىدىن دوكلاتتا، تولۇق ئىشقا ئورۇنلاشتۇرۇشنى ئىلگىرى سۈرۈپ، ئىشقا ئورۇنلاشتۇرۇش سۈپىتىنى ئۆستۈرۈپ، ئىشقا ئورۇنلىشىشتىكى تۈرلۈك كەمسىتىشلەرنى قەتئىي تۈزىتىش كېرەكلىكى ئوتتۇرىغا قويۇلدى. مەملىكەتلىك خەلق قۇرۇلتىيى ۋەكىلى، جۇڭگو ئىجتىمائىي كاپالەت ئىلمىي جەمئىيىتىنىڭ باشلىقى، جۇڭگو خەلق داشۆسىنىڭ پىروفېسسورى جېڭ گۇڭچېڭ «ئىشقا ئورۇنلىشىش ساھەسىدىكى ياش جەھەتتىكى كەمسىتىشنى قەتئىي تۈزىتىش توغرىسىدىكى تەكلىپ»نى ئوتتۇرىغا قويدى.
جېڭ گۇڭچېڭ تەكشۈرۈپ تەتقىق قىلىش جەريانىدا ھازىر، دۆلىتىمىزنىڭ ئىشقا ئورۇنلىشىش بازىرىدا ياش جەھەتتىكى كەمسىتىشنىڭ ئومۇميۈزلۈك مەۋجۇت ئىكەنلىكىنى، بولۇپمۇ 35 ياشتىن ئاشقانلارنىڭ خىزمەتكە كىرىشىگە چەك قويۇش ئەھۋالى ياشلارنىڭ ئىشقا ئورۇنلىشىشىغا ئېغىر تەسىر كۆرسىتىپ، ئىختىساسلىقلار بايلىقىنىڭ ئىسراپ بولۇشى ۋە ئىشقا ئورۇنلىشىشتىكى قۇرۇلمىلىق زىددىيەتنى كەلتۈرۈپ چىقارغانلىقىنى بايقىغان. ئۇ مەسئۇل تارماقلارغا ياش جەھەتتىكى كەمسىتىش تۈسىنى ئالغان سىياسەت خاراكتېرلىك ھۆججەتلەرنى ئېنىقلاپ، مەخسۇس ھەرىكەت لايىھەسى تۈزۈپ، تىرىشىپ ئۈچ يىلدىن بەش يىلغىچە بولغان ۋاقىت ئىچىدە ئىشقا ئورۇنلىشىش يېشى جەھەتتىكى كەمسىتىشكە قارشى تۇرىدىغان جەمئىيەت كەيپىياتى يارىتىش؛ دۆلەت ئورگىنى، كەسپىي ئورۇنلارنىڭ ئىشقا ئورۇنلىشىش جەھەتتىكى كەمسىتىشنى تۈزىتىشتىكى باشلامچىلىق رولىنى ئايدىڭلاشتۇرۇش ھەمدە جەمئىيەتنىڭ نازارىتىنى قوبۇل قىلىش تەكلىپىنى بەردى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
