3-ئاينىڭ 10-كۈنى، مەملىكەتلىك سىياسىي كېڭەش 14-نۆۋەتلىك كومىتېتى 3-يىغىنىنىڭ 3-مەيدان «ئەزالار يولى» كوللېكتىپ زىيارەت پائالىيىتى ئۆتكۈزۈلدى.
مەملىكەتلىك سىياسىي كېڭەشنىڭ ئەزاسى، زۈنيى تېببىي داشۆسى قارىمىقىدىكى دوختۇرخانىنىڭ مۇئاۋىن باشلىقى فۇ شياۋيۈن مۇنداق دېدى: غەربىي قىسىم رايونلار ۋە نامراتلىقتىن قۇتۇلغان رايونلاردىكى ناھىيە دەرىجىلىك دوختۇرخانىلارنىڭ داۋالاش سەۋىيەسىنى ئۆستۈرۈش ئۈچۈن، دۆلەت «مىڭ ناھىيە قۇرۇلۇشى»نى داۋاملىق يولغا قويۇپ، ئۆمەك تەشكىللەش شەكلىدىكى داۋالاش ئىختىساسلىقلىرى ئارقىلىق ياردەم بېرىش-يۆلەشنى قانات يايدۇرۇپ، شىزاڭ، شىنجاڭ، چىڭخەيدىكى ۋىلايەتلىك دوختۇرخانىلار ۋە دۆلەت يېزا-كەنتلەرنى گۈللەندۈرۈشتە نۇقتىلىق ياردەم بېرىدىغان ۋە يۆلەيدىغان ناھىيەلىك خەلق دوختۇرخانىلىرىغا ياردەم بېرىپ، 3A دەرىجىلىك دوختۇرخانىلارنىڭ جەمئىي 80 مىڭدىن ئارتۇق تېببىي خادىمىنى ئەۋەتتى. مۇشۇنداق ئارقا كۆرۈنۈشتە، 2022-يىلى ئۇ سەندۇ شۈيزۇ ئاپتونوم ناھىيەلىك خەلق دوختۇرخانىسىغا كېلىپ، داۋالاش ئەترىتىنىڭ ئەزالىرى بىلەن بىرلىكتە دوختۇرخانىنىڭ ئىختىساسلىقلارنى تەربىيەلەپ يېتىشتۈرۈش ۋە باشقۇرۇش ئىقتىدارىنى ئۆستۈرۈش، بەش چوڭ مەركەز ۋە ناھىيە تەۋەسىدىكى داۋالاش ئورتاق گەۋدىسى قۇرۇلۇشى ئۈچۈن پۈتۈن ۋۇجۇدى بىلەن خىزمەت قىلدى. ناھىيە دەرىجىلىك داۋالاش قۇرۇلۇشى توغرىسىدا توختالغاندا ئۇ مۇنداق دېدى: ئالدى بىلەن، ھەم مەسىلىنى ھەل قىلىپ بېرىش، ھەم مەسىلىنى ھەل قىلىشنى ئۆگىتىپ قويۇش كېرەك. ناھىيە دەرىجىلىك دوختۇرخانىلارنىڭ داۋالاش ئىختىساسلىقلىرىنى يېتىشتۈرۈش خىزمىتىدە ئەڭ مۇھىم ئورۇندا تۇرىدىغىنى شۇكى، مۇتەخەسسىسلەر دەرس ئۆتۈش، يېتەكچى ئوقۇتقۇچى تۈزۈمىنى يولغا قويۇش، كىلىنىكىدا قولمۇقول ئوقۇتۇش ۋە ئەمەلىيەتتىن ئۆتكۈزۈش قاتارلىق كۆپ خىل تەربىيەلەش مېخانىزمى ئارقىلىق، يېزا گېنىغا ئىگە ئاق خالاتلىق جەڭچىلەرنى يېتىشتۈرۈپ، ئېلىپ كەتكىلى بولمايدىغان خىزمەت ئەترىتىنى قالدۇرۇش كېرەك.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
