14-نۆۋەتلىك مەملىكەتلىك خەلق قۇرۇلتىيى 3-يىغىنى 3-ئاينىڭ 9-كۈنى چۈشتىن كېيىن مۇخبىرلار يىغىنى ئۆتكۈزدى، خەلق ئىشلىرى مىنىستىرلىقى، ئادەم كۈچى بايلىقى ۋە ئىجتىمائىي كاپالەت مىنىستىرلىقى، تۇرالغۇ ۋە شەھەر-يېزا قۇرۇلۇشى مىنىستىرلىقى، دۆلەت سەھىيە-ساغلاملىق كومىتېتى قاتارلىق تۆت تارماقنىڭ مەسئۇللىرى ئالاقىدار مەسىلىلەر توغرىسىدا جۇڭگو ۋە چەت ئەل مۇخبىرلىرىنىڭ سوئاللىرىغا جاۋاب بەردى.
تۇرالغۇ ۋە شەھەر-يېزا قۇرۇلۇشى مىنىستىرلىقىنىڭ مىنىستىرى نى خۇڭ مۇنداق بىلدۈردى: خەلق تۇرمۇشىغا نەپ يەتكۈزىدىغان، تەرەققىياتنى ئىلگىرى سۈرىدىغان، خەۋپ-خەتەرنىڭ ئالدىنى ئالىدىغان بىر تۈركۈم يېڭىلاش تۈرلىرىنى يولغا قويىمىز، بۇنىڭ ئىچىدە خەلق تۇرمۇشى تۈرىدە مۇنداق ئۈچ ئىشنى كۈچەپ تۇتىمىز:
بىرىنچى، شەھەرلەردىكى 2000-يىلىدىن بۇرۇن قۇرۇلغان كونا ئولتۇراق رايونلارنىڭ ھەممىسىنى شەھەرنى يېڭىلاش بويىچە ئۆزگەرتىش دائىرىسىگە كىرگۈزۈپ، شارائىتقا قاراپ ئىش كۆرۈپ ئۆزگەرتىش ئېلىپ بارىمىز، شۇنداقلا يەرلىكنىڭ ئاھالىلەرنىڭ كونا تۇرالغۇلارنى ئۆز ئالدىغا يېڭىلاپ ئۆزگەرتىشى ئۈستىدە ئىزدىنىشىگە ئىلھام بېرىمىز.
ئىككىنچى، شەھەردىكى كەنتلەرنى ئۆزگەرتىش، ھازىر بۇنىڭ دائىرىسىنى پۈتۈن مەملىكەت بويىچە ۋىلايەت دەرىجىلىك ۋە ئۇنىڭدىن يۇقىرى دەرىجىلىك شەھەرلەرگە كېڭەيتتۇق، بۇلتۇر يېڭىدىن كۆپەيتكەن 1 مىليون يۈرۈش ئاساسىدا، ئۆزگەرتىش كۆلىمىنى يەنە داۋاملىق كېڭەيتىمىز.
ئۈچىنچى، مۇكەممەل مەھەللە قۇرۇلۇشىنى زور كۈچ بىلەن ئالغا سىلجىتىش، دىققەتنى «ياشانغانلار، بالىلار»غا مەركەزلەشتۈرۈپ، توسالغۇسىز، ياشانغانلارغا مۇۋاپىقلاشقان يۈرۈشلۈك ئەسلىھەلەر، ھۆكۈمەتنىڭ ھاۋالىلىك بېقىش مۇلازىمەت ئەسلىھەلىرى، بالىلار پائالىيەت مەيدانىنى مۇكەممەللەشتۈرۈش بۇنىڭ مۇھىم نۇقتىسى.
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
