14-نۆۋەتلىك مەملىكەتلىك خەلق قۇرۇلتىيى 3-يىغىنى 3-ئاينىڭ 9-كۈنى چۈشتىن كېيىن مۇخبىرلار يىغىنى ئۆتكۈزدى، خەلق ئىشلىرى مىنىستىرلىقى، ئادەم كۈچى بايلىقى ۋە ئىجتىمائىي كاپالەت مىنىستىرلىقى، تۇرالغۇ ۋە شەھەر-يېزا قۇرۇلۇشى مىنىستىرلىقى، دۆلەت سەھىيە-ساغلاملىق كومىتېتى قاتارلىق تۆت تارماقنىڭ مەسئۇللىرى ئالاقىدار مەسىلىلەر توغرىسىدا جۇڭگو ۋە چەت ئەل مۇخبىرلىرىنىڭ سوئاللىرىغا جاۋاب بەردى.
ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ مىنىستىرى ۋاڭ شياۋپىڭ مۇنداق بىلدۈردى: بۇ يىل ماھارەت يۆنىلىشىدىكى ئىش ھەققى تەقسىمات تۈزۈمىنى يەنىمۇ كۈچەيتىپ، دۆلەت كارخانىلىرىدىكى ماھارەت ئىختىساسلىقلىرىنىڭ ئىش ھەققىنى تەقسىملەشكە رىغبەتلەندۈرۈشنى زورايتىش توغرىسىدىكى سىياسەت، ھۆججەتلەرنى تەتقىق قىلىپ چىقىرىپ، ئىشلەپچىقىرىشنىڭ بىرىنچى سېپىدىكى ماھارەت ئىش ئورنىنىڭ ئىش ھەققى ئۆلچىمىنى مۇۋاپىق ئۆستۈرىمىز. ماھارەتلىك ئىختىساسلىقلار توپلاشقان رايون، ساھەلەرگە مەدەت بېرىپ، مائاشنى كوللېكتىپ كېڭىشىشنى قانات يايدۇرۇپ، ماھارەتلىك ئىختىساسلىقلارنىڭ ئىش ھەققىنى تەقسىملەش يېتەكچىلىكىنى يولغا قويۇپ، ماھارەتلىك ئىختىساسلىقلار ئىش ھەققىنىڭ باشلىنىش نۇقتىسىنى مۇۋاپىق بېكىتىشكە يېتەكچىلىك قىلىپ، مائاش تەقسىماتىنىڭ ئىشلەپچىقىرىشنىڭ بىرىنچى سېپى ۋە جىددىي ئېھتىياجلىق، كەمچىل بولغان ماھارەتلىك ئىختىساسلىقلارغا مايىللىشىشىغا ھەقىقىي كاپالەتلىك قىلىپ، ماھارەتلىك ئىختىساسلىقلارنىڭ تەمىنات سەۋىيەسىنى ئۆستۈرۈشنى قوللايمىز.
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
