خەلق ئىشلىرى مىنىستىرلىقى: قىيىنچىلىقى بار ئاممىنىڭ ۋاقتىدا قۇتقۇزۇش - ياردەمگە ئېرىشىشىگە ھەقىقىي كاپالەتلىك قىلىپ، تۆۋەن كىرىملىك ئاھالىنى بېكىتىش چارىسىنى ئېلان قىلىمىز

2025.03.10 15:45 مەنبە: خەلق تورى

14-نۆۋەتلىك مەملىكەتلىك خەلق قۇرۇلتىيى 3-يىغىنى 3-ئاينىڭ 9-كۈنى چۈشتىن كېيىن مۇخبىرلار يىغىنى ئۆتكۈزدى، خەلق ئىشلىرى مىنىستىرلىقى، ئادەم كۈچى بايلىقى ۋە ئىجتىمائىي كاپالەت مىنىستىرلىقى، تۇرالغۇ ۋە شەھەر-يېزا قۇرۇلۇشى مىنىستىرلىقى، دۆلەت سەھىيە-ساغلاملىق كومىتېتى قاتارلىق تۆت تارماقنىڭ مەسئۇللىرى ئالاقىدار مەسىلىلەر توغرىسىدا جۇڭگو ۋە چەت ئەل مۇخبىرلىرىنىڭ سوئاللىرىغا جاۋاب بەردى.

خەلق ئىشلىرى مىنىستىرلىقىنىڭ مىنىستىرى لۇ جىيۈەن مۇنداق بىلدۈردى: دائىملاشقان قۇتقۇزۇش-ياردەم بېرىشنى يەنىمۇ كۈچەيتىپ، تۆۋەن كاپالەت ئوبيېكتلىرى، ئالاھىدە قىيىنچىلىقى بار بېقىلىدىغان خادىملارنىڭ ئاساسىي تۇرمۇشىغا ياخشى كاپالەتلىك قىلىش ئاساسىدا، تۆۋەن كىرىملىك ئاھالىنى بېكىتىش چارىسىنى چىقىرىپ، تۆۋەن كاپالەت گىرۋىكىدىكى ئائىلىلەر، زۆرۈر چىقىمدا قىيىنچىلىقى بار ئائىلىلەرنى بېكىتىشنى ئومۇميۈزلۈك قانات يايدۇرۇپ، قاتلامغا، تۈرگە ئايرىلغان ئىجتىمائىي قۇتقۇزۇش سىستېمىسىنى تاكامۇللاشتۇرىمىز. تۆۋەن كىرىملىك ئاھالىنى ھەرىكەتچان كۆزىتىپ ئۆلچەشنى كۈچەيتىپ، «چوڭ سانلىق مەلۇماتلارنى سېلىشتۇرۇش + جانلىق رەتكە تۇرغۇزۇپ تەكشۈرۈش» قاتارلىق شەكىللەرنى قوللىنىپ، قىيىنچىلىقى بار ئاممىنىڭ قىيىنچىلىقى بولسا ۋاقتىدا بايقاپ، قۇتقۇزۇش-ياردەم بېرىش ئېھتىياجى بولسا ۋاقتىدا قۇتقۇزۇشقا-ياردەمگە ئېرىشىشىگە ھەقىقىي كاپالەتلىك قىلىمىز.

مەنبە: خەلق تورى

مەسئۇل مۇھەررىر : مەلىكەم مەمەت
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ