ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ مىنىستىرى ۋاڭ شياۋپىڭ 3-ئاينىڭ 9-كۈنى 14-نۆۋەتلىك مەملىكەتلىك خەلق قۇرۇلتىيى 3-يىغىنىنىڭ خەلق تۇرمۇشى تېمىسىدىكى مۇخبىرلار يىغىنىدا مۇنداق دېدى: بۇ يىل ياشانغاندا كۈتۈنۈش سۇغۇرتا تەمىناتى سەۋىيەسىنى مۇقىم ئۆستۈرىمىز. بۇلتۇرقى ئاساستا، بۇ يىل شەھەر-يېزا ئاھالىلىرىنىڭ ئاساسىي ياشانغاندا كۈتۈنۈش پۇلىنىڭ ئەڭ تۆۋەن ئۆلچىمىنى ھەر ئېيىغا يەنە 20 يۈەن ئۆستۈرىمىز، بۇ تەمىناتنى ئۆستۈرۈش شەھەر-يېزىلاردىكى 180 مىليون ياشانغان ئاھالىگە چېتىلىدۇ. شۇنىڭ بىلەن بىللە، پېنسىيەگە چىققانلارنىڭ ئاساسىي ياشانغاندا كۈتۈنۈش پۇلىنى مۇۋاپىق ئۆستۈرۈپ، ئوتتۇرا ھال، تۆۋەن كىرىملىك كىشىلەر توپىغا نۇقتىلىق مايىللاشتۇرىمىز، بۇ تەمىناتنى ئۆستۈرۈش 140 مىليوندىن ئارتۇق پېنسىيەگە چىققانلارغا چېتىلىدۇ. ئادەم كۈچى بايلىقى ۋە ئىجتىمائىي كاپالەت تارماقلىرى ئەستايىدىل ئۆلچەپ ھېسابلاپ، ۋاقتىدا، توغراتارقىتىشقا كاپالەتلىك قىلىدۇ.
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
