مەملىكەتلىك خەلق قۇرۇلتىيى ۋەكىلى سۈن يۈەنخۇا داليەن خۇارۈي ئېغىر سانائەت گۇرۇھى پاي چەكلىك شىركىتىنىڭ مۇئاۋىن باش لايىھەلىگۈچىسى ۋە ئېلېكتىر باش مۇتەخەسسىسى. خىزمەتكە قاتناشقان 30 يىلدىن بۇيان، سۈن يۈەنخۇا دىققىتىنى چوڭ تىپتىكى جابدۇقلارنى ئەقلىي ئىقتىدارلاشتۇرۇش ۋە ئادەمسىز ھەيدەش قاتارلىق ساھەلەردىكى تېخنىكا تەتقىق قىلىپ ئېچىش، تەڭشەش قاتارلىق خىزمەتلەرگە قاراتتى.
يېقىنقى يىللاردىن بۇيان، سۈن يۈەنخۇا كوللېكتىپقا يېتەكچىلىك قىلىپ، چوڭ تونناژلىق ئاپتوماتىك ھەيدەش، ئۆز ئالدىغا يول باشلاش، مۇھىتنى سېزىش ئارقىلىق ئادەم بىلەن ماشىنا سوقۇلۇشتىن ساقلىنىش قاتارلىق جەھەتلەردە تېخنىكىدا بۆسۈش ھاسىل قىلىپ، جابدۇقلارنى ئەقلىي ئىقتىدارلاشتۇرۇپ سۈپىتىنى ئۆستۈرۈپ دەرىجىسىنى ئۆستۈرۈشكە ئۈزلۈكسىز تۈرتكە بولدى.
بۇ يىل سۈن يۈەنخۇانىڭ مەملىكەتلىك خەلق قۇرۇلتىيى ۋەكىلى بولۇش سۈپىتى بىلەن مەسئۇلىيىتىنى ئادا قىلىۋاتقىنىنىڭ 8-يىلى. ئالدىراش خىزمەتتىن سىرتقى ۋاقىتلاردا، ئۇ بىرىنچى سەپكە چوڭقۇر چۆكۈپ زىيارەت قىلىش، تەكشۈرۈپ تەتقىق قىلىشتا چىڭ تۇرۇپ، دىققەتنى ئەنئەنىۋى ياسىمىچىلىقنى رەقەملەشتۈرۈپ، تورلاشتۇرۇپ، ئەقلىي ئىقتىدارلاشتۇرۇپ ئۆزگەرتىش ساھەسىدىكى ئاغرىق نۇقتا، قىيىن نۇقتا، توسۇق نۇقتىلارغا مەركەزلەشتۈرۈپ، زامانىۋىلاشقان كەسىپ سىستېمىسى بەرپا قىلىش، جابدۇقلارنى ئەقلىي ئىقتىدارلاشتۇرۇش سەۋىيەسىنى ئۆستۈرۈش ئۈچۈن ئەقىل-پاراسەت ۋە كۈچ قوشتى.
2025-يىللىق مەملىكەتلىك ئىككى يىغىندا، سۈن يۈەنخۇا جابدۇق ماشىنىسازلىق كەسپىنى ئەقلىي ئىقتىدارلاشتۇرۇشنىڭ دۆلەت ئۆلچىمىنى بېكىتىشكە كۆڭۈل بۆلۈپ، دۆلىتىمىزنىڭ خەلقئارا جابدۇق ماشىنىسازلىق بازىرىدىكى يادرولۇق رىقابەت كۈچىنى يەنىمۇ كۈچەيتىشنى ئۈمىد قىلدى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
