مۇخبىر ما يىنىڭنىڭ 2025-يىللىق شىنجاڭ قاتناش-تىرانسپورت خىزمىتى يىغىنىدىن ئىگىلىشىچە، بۇ يىل شىنجاڭ تاشيول قاتنىشىغا 80 مىليارد يۈەن مەبلەغ سېلىشنى تاماملاپ، بۇلتۇرقى ئوخشاش مەزگىلدىكىدىن ％13.5 ئاشۇرۇپ، يۇقىرى سۈرئەتلىك (1-دەرىجىلىك) تاشيولنى 13 مىڭ كىلومېتىر ئەتراپىغا يەتكۈزۈپ، يۇقىرى سۈرئەتلىك تاشيولنى 8000 كىلومېتىردىن ئاشۇرۇپ، پۈتۈن ئاپتونوم رايوننىڭ تاشيول ئومۇمىي مۇساپىسىنى «14-بەش يىل»لىق يىرىك پىلاندىكى نىشاندىن ئاشۇرۇشنى پىلانلىغان.
تونۇشتۇرۇلۇشىچە، نۆۋەتتە پۈتۈن ئاپتونوم رايون بويىچە تاشيول ئومۇمىي مۇساپىسى 230 مىڭ كىلومېتىرغا يەتكەن بولۇپ، بۇلتۇر يېڭىدىن ياسالغان دۆلەت، ئۆلكە دەرىجىلىك 9 غول لىنىيەلىك تاشيولنىڭ ھەممىسىدە ئۆز قەرەلىدە ئىش باشلانغان، دۆلەت، ئۆلكە دەرىجىلىك 16 غول لىنىيە تۈرى پۈتۈپ قاتناش باشلانغان، تىيانشان غالىبىيەت تونېلى مۇددەتتىن بىر يىل بۇرۇن تۇتاشتۇرۇلغان، شىنجاڭغا كىرىپ-چىقىدىغان بىر يول يېڭىدىن كۆپەيتىلگەن ۋە تۆت ناھىيە، شەھەرگە يۇقىرى سۈرئەتلىك (1 ـ دەرىجىلىك) تاشيول تۇتاشتۇرۇلغان، ئاپتونوم رايون بويىچە ناھىيە-شەھەرلەرگە يۇقىرى سۈرئەتلىك (1-دەرىجىلىك) تاشيولنى تۇتاشتۇرۇش نىسبىتى ％94 تىن ئاشقان، 3A ۋە ئۇنىڭدىن يۇقىرى دەرىجىلىك مەنزىرە رايونلىرىنىڭ يۇقىرى سۈرئەتلىك (1-دەرىجىلىك) تاشيول بىلەن قاپلىنىش نىسبىتى ％95 كە يەتكەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
