بايا ئېلان قىلىندى! دۇنيا بويىچە بىرىنچى!

1-ئاينىڭ 13-كۈنى، جۇڭگو ئاپتوموبىل سانائىتى جەمئىيىتىنىڭ سىرتقا ئېلان قىلغان سانلىق مەلۇماتىدا كۆرسىتىلىشىچە، 2024-يىل 1-ئايدىن 12-ئايغىچە، دۆلىتىمىزنىڭ ئاپتوموبىل ئىشلەپچىقىرىش ۋە سېتىش مىقدارى ئايرىم-ئايرىم ھالدا 31 مىليون 282 مىڭ ۋە 31 مىليون 436 مىڭ بولۇپ، بۇلتۇرقى ئوخشاش مەزگىلدىكىدىن ئايرىم-ئايرىم ％3.7 ۋە ％4.5 ئاشقان، يىللىق ئىشلەپچىقىرىش ۋە سېتىش مىقدارىدا بىردەك تارىختىكى يېڭى يۇقىرى سەۋىيە يارىتىلغان. يېڭى ئېنېرگىيەلىك ئاپتوموبىل داۋاملىق تېز سۈرئەتتە ئېشىپ، يىللىق ئىشلەپچىقىرىش ۋە سېتىش مىقدارى ئايرىم-ئايرىم ھالدا 12 مىليون 888 مىڭ ۋە 12 مىليون 866 مىڭ بولۇپ، بۇلتۇرقى ئوخشاش مەزگىلدىكىدىن ئايرىم-ئايرىم ％34.4 ۋە ％35.5 ئاشقان، يېڭى ئېنېرگىيەلىك ئاپتوموبىلنىڭ سېتىلىش مىقدارى يېڭى ئاپتوموبىل ئومۇمىي سېتىلىش مىقدارىنىڭ ％40.9ىگە يەتكەن. يېڭى ئېنېرگىيەلىك ئاپتوموبىل ئىشلەپچىقىرىش ۋە سېتىش مىقدارى بىردەك 12 مىليوندىن ئېشىپ، ئۇدا ئون يىل دۇنيا بويىچە ئالدىنقى ئورۇندا تۇرغان.

مەنبە: خەلق تورى