شىنخۇا ئاگېنتلىقى، بېيجىڭ، 12 ـ ئاينىڭ 29 ـ كۈنى تېلېگراممىسى 12 ـ ئاينىڭ 29 ـ كۈنى، دۆلەت رەئىسى شى جىنپىڭ كورېيە جىجوۋ ئاۋىياتسىيەسى يولۇچىلار ئايروپىلانىنىڭ ھادىسىگە ئۇچراپ، ئېغىر دەرىجىدە ئادەم ئۆلۈش ـ يارىلىنىش كېلىپ چىققانلىقى مۇناسىۋىتى بىلەن كورېيەنىڭ مۇۋەققەت زۇڭتۇڭى سۈي شياڭمۇغا ھال سوراش تېلېگراممىسى ئەۋەتتى.
شى جىنپىڭ مۇنداق بىلدۈردى: دۆلىتىڭلارنىڭ جىجوۋ ئاۋىياتسىيەسىنىڭ بىر يولۇچىلار ئايروپىلانى ھادىسىگە ئۇچراپ، ئېغىر دەرىجىدە ئادەم ئۆلۈش ـ يارىلىنىش كېلىپ چىققانلىقىدىن خەۋەر تېپىپ چۆچۈدۈم. مەن جۇڭگو ھۆكۈمىتى ۋە جۇڭگو خەلقىگە ۋاكالىتەن، بەختسىزلىككە ئۇچرىغانلارغا چوڭقۇر تەزىيە بىلدۈرىمەن، بەختسىزلىككە ئۇچرىغانلارنىڭ ئائىلە تەۋەلىرىدىن سەمىمىي ھال سورايمەن ھەم يارىلانغانلارنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشمەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
