دۆلەتنىڭ مۇئاۋىن رەئىسى خەن جېڭ 10-ئاينىڭ 31-كۈنى بېيجىڭدا ئايرىم-ئايرىم ھالدا زامبىيە خەلق پارلامېنتىنىڭ باشلىقى مۇدى، 79-نۆۋەتلىك ب د ت كېڭىشىنىڭ رەئىسى فىلېمون بىلەن كۆرۈشتى.
مۇدى بىلەن كۆرۈشكەندە، خەن جېڭ مۇنۇلارنى بىلدۈردى: يېقىنقى يىللاردىن بۇيان، رەئىس شى جىنپىڭ ۋە زۇڭتۇڭ خىچىلېمانىڭ ئىستراتېگىيەلىك يېتەكچىلىكىدە، جۇڭگو بىلەن زامبىيەنىڭ سىياسىي جەھەتتە ئۆزئارا ئىشىنىشى ئۈزلۈكسىز چوڭقۇرلاشتى، ئەمەلىي ھەمكارلىقىدا ئەمەلىي نەتىجىلەر قولغا كەلدى. 10-ئاينىڭ 29-كۈنى ئىككى دۆلەت باشلىقلىرى ئۆزئارا تەبرىك تېلېگراممىسى يوللىشىپ، جۇڭگو-زامبىيە دىپلوماتىك مۇناسىۋەت ئورناتقانلىقىنىڭ 60 يىللىقىنى تەبرىكلىدى. جۇڭگو زامبىيە بىلەن بىرلىكتە ئىككى دۆلەت باشلىقلىرىنىڭ مۇھىم ئورتاق تونۇشىنى يېتەكچى قىلىپ، بىر-بىرىنىڭ يادرولۇق مەنپەئەتى ۋە كۆڭۈل بۆلىدىغان مۇھىم مەسىلىلەردە بىر-بىرىنى قەتئىي قوللاپ، جۇڭگو-ئافرىقا ھەمكارلىق مۇنبىرى بېيجىڭ باشلىقلار يىغىنىنىڭ نەتىجىلىرىنى ياخشى ئەمەلىيلەشتۈرۈپ، سودا، مەبلەغ سېلىش، ئۇل ئەسلىھە قۇرۇلۇشى، داۋالاش-ساقلىق ساقلاش قاتارلىق ساھەلەردىكى ھەمكارلىق سەۋىيەسىنى ئۆستۈرۈپ، چۈشىنىشنى ئىلگىرى سۈرۈپ، تېخىمۇ زىچ جۇڭگو ـ زامبىيە تەقدىر ئورتاق گەۋدىسى بەرپا قىلىشنى ئىلگىرى سۈرۈشنى خالايدۇ.
مۇدى مۇنۇلارنى بىلدۈردى: بۇ يىل زامبىيە بىلەن جۇڭگونىڭ دىپلوماتىك مۇناسىۋەت ئورناتقانلىقىنىڭ 60 يىللىقى، ئىككى دۆلەتنىڭ دوستلۇقى چوڭقۇر. زامبىيە بىر جۇڭگو پىرىنسىپىدا چىڭ تۇرىدۇ، جۇڭگونىڭ ئۇزاقتىن بۇيان زامبىيەنى قىممەتلىك قوللاپ كەلگەنلىكىگە رەھمەت ئېيتىدۇ، زامبىيە بىلەن جۇڭگونىڭ ئومۇميۈزلۈك ئىستراتېگىيەلىك ھەمكارلىق ھەمراھلىق مۇناسىۋىتىدە تېخىمۇ زور تەرەققىياتنى قولغا كەلتۈرۈشىنى ئۈزلۈكسىز ئىلگىرى سۈرۈشنى خالايدۇ.
فىلېمون بىلەن كۆرۈشكەندە، خەن جېڭ مۇنۇلارنى بىلدۈردى: جۇڭگو ب د ت ئىشلىرىنىڭ قەتئىي قوللىغۇچىسى ۋە پائال تۆھپە قوشقۇچىسى. ب د ت كۆپ تەرەپچىلىك بايرىقى. رەئىس شى جىنپىڭ ب د ت نىڭ رولىنى كۈچەيتىشكىلا بولىدۇكى، ئاجىزلاشتۇرۇشقا بولمايدۇ، دەپ كۆپ قېتىم تەكىتلىدى. كېلەر يىلى ب د ت قۇرۇلغانلىقىنىڭ 80 يىللىقى. جۇڭگو ب د ت نىڭ خەلقئارا ئىشلاردىكى يادرولۇق رولىنى قوللايدۇ، ئادىل، ھەققانىي بولۇشتا چىڭ تۇرۇپ، تىنچلىق ۋە بىخەتەرلىكنى قوغداش؛ ئومۇمي مەنپەئەتدار، كەڭ قورساق بولۇشتا چىڭ تۇرۇپ، ئورتاق تەرەققىياتنى ئىلگىرى سۈرۈش؛ كۆپ تەرەپچىلىكتە چىڭ تۇرۇپ، دۇنياۋى ئىدارە قىلىشنى مۇكەممەللەشتۈرۈشنى تەشەببۇس قىلىدۇ. جۇڭگو ب د ت نىڭ نوپۇزى ۋە ئورنىنى باشتىن-ئاخىر قەتئىي قوغداپ، دۇنياۋى ئىدارە قىلىش ئىسلاھاتى ۋە قۇرۇلۇشىغا پائال قاتنىشىپ، دۇنياۋى ئىدارە قىلىش سىستېمىسىنىڭ تېخىمۇ ئادىل ۋە مۇۋاپىق يۆنىلىشكە قاراپ تەرەققىي قىلىشىنى ئىلگىرى سۈرىدۇ.
فىلېمون مۇنۇلارنى بىلدۈردى: جۇڭگو ب د ت بايرىقىنى ئېگىز كۆتۈرگەن ئاساسلىق چوڭ دۆلەت. ب د ت بىرلەشكەن دۆلەتلەر تەشكىلاتى كېڭىشىنىڭ 2758-نومۇرلۇق قارارىغا ئەمەل قىلىپ، بىر جۇڭگو پىرىنسىپىدا چىڭ تۇرىدۇ. ب د ت جۇڭگو بىلەن ھەمكارلىقنى كۈچەيتىپ، خەلقئارا تىنچلىقنى قوغداش، ئورتاق تەرەققىياتنى ئىلگىرى سۈرۈش ئۈچۈن تېخىمۇ زور تۆھپە قوشۇشنى خالايدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
