10-ئاينىڭ 27-كۈنىدىن باشلاپ، جۇڭگو خەلق ئاۋىياتسىيەسى 2024-يىللىق قىشلىق، ئەتىيازلىق ئاۋىياتسىيە پەسلىدىكى نۆۋەتچى ئايروپىلان پىلانىنى ئىجرا قىلىشقا باشلىدى. قىشلىق، ئەتىيازلىق ئاۋىياتسىيە پەسلىدىن كېيىن، شىنجاڭ ئايرودۇرۇم گۇرۇھىغا قاراشلىق 26 ئايرودۇرۇمنىڭ كۈندىلىك ئوتتۇرىچە يولۇچى توشۇش نۆۋەتچى ئايروپىلانىنىڭ پىلاندىكى مىقدارى 1307 ئايروپىلان قېتىمغا يېتىپ، 2023-يىلىدىكى قىشلىق، ئەتىيازلىق ئايروپىلان پەسلىدىكىدىن كۈندىلىك ئوتتۇرىچە 155 ئايروپىلان قېتىم كۆپىيىپ، بۇلتۇرقى ئوخشاش مەزگىلدىكىدىن ％13.5 ئاشقان.
ئىگىلىنىشىچە، دۆلىتىمىزنىڭ خەلق ئاۋىياتسىيە سىستېمىسى ھەر يىلى ئىككى قېتىم نۆۋەتچى ئايروپىلان پىلانىنى تەڭشەپ، ھەر يىلى 3-ئاينىڭ ئەڭ ئاخىرقى بىر مۇكەممەل ھەپتىسىنىڭ يەكشەنبە كۈنىدىن 10-ئاينىڭ ئەڭ ئاخىرقى بىر تولۇق ھەپتىسىنىڭ شەنبە كۈنىگىچە يازلىق، كۈزلۈك نۆۋەتچى ئايروپىلان پىلانىنى ئىجرا قىلىدىكەن؛ 10-ئاينىڭ ئەڭ ئاخىرقى بىر تولۇق ھەپتىسىنىڭ يەكشەنبە كۈنىدىن كېيىنكى يىلى 3-ئاينىڭ ئەڭ ئاخىرقى بىر مۇكەممەل ھەپتىسىنىڭ شەنبە كۈنىگىچە، قىشلىق، ئەتىيازلىق نۆۋەتچى ئايروپىلان پىلانى ئىجرا قىلىنىدىكەن. نۆۋەتچى ئايروپىلانلارنىڭ پەسىل ئالمىشىشىدا ئاساسلىقى ئوخشاش بولمىغان ساياھەت نۇقتىلىرىنىڭ ئاۋات-ئاۋاتسىز مەزگىلىنىڭ تەڭشىلىشى ھەمدە ئاۋىياتسىيە شىركەتلىرىنىڭ ئالدىنقى پەسىلدىكى نۆۋەتچى ئايروپىلان بازىرى ئىنكاس قىلغان ئېھتىياج ئويلىشىلىدىكەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
