مۇخبىرنىڭ دۆلەت ئىستاتىستىكا ئىدارىسى شىنجاڭ تەكشۈرۈش باش ئەترىتىدىن ئىگىلىشىچە، ئالدىنقى ئۈچ پەسىلدە، شىنجاڭ ئاھالىلىرىنىڭ ئىلكىدىكى كىشى بېشى ئوتتۇرىچە كىرىم 18 مىڭ 811 يۈەن بولۇپ، بۇلتۇرقى ئوخشاش مەزگىلدىكىدىن％ 6.8 نامىي ئاشقان، باھا ئامىلىنى چىقىرىۋەتكەندە، ئەمەلىيەتتە ％ 6.5 ئاشقان، نامىي ۋە ئەمەلىي ئېشىش سۈرئىتى پۈتۈن مەملىكەت ئاھالىسىنىڭكىدىن 1.6 پىرسەنت پوئېنت تېز بولغان.
شەھەر-يېزىلار بويىچە ئايرىپ قارىغاندا، شەھەر-بازار ئاھالىلىرىنىڭ ئىلكىدىكى كىشى بېشى ئوتتۇرىچە كىرىمى 32 مىڭ 142 يۈەن بولۇپ، ئۆتكەن يىلىنىڭ ئوخشاش مەزگىلىدىكىدىن％5.6 نامىي ئاشقان، باھا ئامىلىنى چىقىرىۋەتكەندە، ئەمەلىيەتتە ％5.2 ئاشقان، نامىي ۋە ئەمەلىي ئېشىش سۈرئىتى ئايرىم-ئايرىم ھالدا پۈتۈن مەملىكەت شەھەر-بازار ئاھالىلىرىنىڭكىدىن 1.1 ۋە 1.0 پىرسەنت پوئېنت تېز بولغان؛ يېزا ئاھالىلىرىنىڭ ئىلكىدىكى ئوتتۇرىچە كىرىمى 6173 يۈەن بولۇپ، ئۆتكەن يىلىنىڭ ئوخشاش مەزگىلىدىكىدىن％ 8.8 نامىي ئاشقان، باھا ئامىلىنى چىقىرىۋەتكەندە، ئەمەلىيەتتە ％8.8 ئېشىپ، نامىي ۋە ئەمەلىي ئېشىش سۈرئىتى ئايرىم-ئايرىم ھالدا پۈتۈن مەملىكەت يېزا ئاھالىسىنىڭكىدىن 2.2 ۋە 2.5 پىرسەنت پوئېنت تېز بولغان. يېزا ئاھالىلىرى كىرىمىنىڭ نامىي ۋە ئەمەلىي ئېشىش سۈرئىتى ئايرىم-ئايرىم ھالدا شەھەر-بازار ئاھالىلىرىنىڭكىدىن 3.2 پىرسەنت پوئېنت ۋە 3.6 پىرسەنت پوئېنت تېز بولغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
